《笑傲缸湖》星星星(三星)自從經歷會爆炸嘅Note7事件之後,品牌形象一落千丈,
而宿敵蘋果公司(Apple)就持續推新產品,而且仲有令孖屐極度期待嘅重頭戲,唉瘋8
(iPhone8,孖屐叫法)!面對咁強大嘅對手,星星星亦都唔執輸,先喺月底推出一部
Galaxy S8迎戰!
星星星為咗加強消費者對公司手機嘅信心,喺泡菜國推出咗史無前例嘅優惠政策,就係頭三
個月無條件退款!不過,其他地區會唔會都享有相同優惠政策,暫時就仲係未知之數。
據探子回報,目前S8╱S8+第一波備貨量達1250萬部,比上一代S7提高咗四分一
。S8率先取消實體Home按紐,而且有虹膜識別支持。不過人工智能系統就仲未發展得成熟
,個別地區效能可能受到限制。
究竟呢部新機,能唔能夠幫星星星翻身呢?定係最後真係有好多人換機?呢個3個月無條件
退貨計劃,有幾多戶用退貨?大家拭目以待啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
WoW WoW星期三:健康網購產品低至$99 (只限今天)► 立即行動