《笑傲缸湖》香江打工仔日捱夜捱,成日望放假,過咗復活節假期,望緊下個月就有五一國
際勞動節。花旗國嗰邊五一雖然唔係公眾假期,但會有反對「侵侵」(特朗普)移民勞工政策嘅
示威,等一班打工仔可以有機會出吓聲。
探子回報,Facebook對員工開綠燈,畀佢哋喺五一嘅時候攞time
off去參加示威,仲要求公司旗下外判服務商嘅員工,都享有同樣權利。員工未揸定主意去唔
去唔緊要,就算到時先決定去,都唔使事先話畀公司知。
fb咁做,都係因為不滿侵侵排外嘅政策,對於fb同好多科技企業嚟講,唔少人材都並非
土生土長嘅花旗國人。
「我哋有責任畀員工舒服地表達意見,同時亦支持佢哋參與國際勞動日,提高對於營造安全
同舒適嘅工作環境嘅意識。」
咁有企業良心嘅fb係咪好吸引各位搵緊工或者打算轉工嘅朋友呢?盈盈見到fb喺香江就
有24個職位請緊人,大家不妨一試啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》青少年不可以戀愛!?真實個案講述驚心動魄經歷► 即睇