《笑傲缸湖》一向喺能源方面提倡環保嘅蘋果公司又有新搞作,公司打算回收番D舊機,循
環再用D物料,承諾會結束「採礦活動」。
蘋果目前雖然有拆機機械人Liam幫手,每年最多可以拆解240萬部機,但「唉瘋」大
部分零件唔會回收,公司就希望可以更加積極盡量咁拎番D物料出嚟再整過新機,例如會鼓勵「
果迷」乖乖地配合拎番D機出嚟,而最終目標就係唔使再開礦開採稀土。
但計劃還計劃,究竟幾時先可以做到成部機100%由循環物料去整先?蘋果公司份發展報
告入面無直接答到呢條問題,解釋話仲有D物料仲未可以靠現今科技循環使用,要再研究吓先得
咁話。希望蘋果公司每年可以公布個進度啦。
環保係大趨勢,新「唉瘋」用舊物料整盈盈都唔會反感,最重要係保持到部機嘅質量,同埋
個設計要夠靚靚仔仔。另外,用得循環物料去整,售價唔該平番D!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》原生家庭對成長有咩影響?改善溝通有計可施?► 即睇