RSS訂閱 《笑傲缸湖》阿媽教落揀科、上興趣班要揀啲第時會揾到錢嘅，上一代香江人會叫你揀金融
財經，但今時今日識揀一定係揀ＩＴ！噚日（２０日）花旗國總統侵侵就同ＩＴ界巨頭見面，亞
馬遜、蘋果、微軟、谷哥母公司Ａｌｐｈａｂｅｔ等等一共１８位ＣＥＯ都俾面出席嫁。當中蘋
果ＣＥＯ庫克（Ｔｉｍ Ｃｏｏｋ）就話希望寫程式會成為學校必修課，盈盈一諗到要成日對住
啲密密麻麻嘅數字就頭痕，小朋友係咪真應付得嚟？相信好多香江嘅父母會唔同意盈盈嘅睇法，
可能已經計劃緊送小朋友去花旗國讀ＩＴ添呀！
庫克言出必行，教育制度佢雖然控制唔到，但就喺蘋果推出一年一度嘅Ａｐｐｌｅ
Ｃａｍｐ活動，包括學編寫程色同音樂，用ｉＭｏｖｉｅ製作微電影，同埋學程式編碼嘅活動，
每個夏令營包括３日、每日個半鐘嘅工作坊。到底小朋友喺咪真係可以喺咁短嘅時間入面學到製
作電影，甚至係寫程式呢？盈盈就半信半疑，個ｃａｍｐ可能係話俾大家知蘋果啲產品同Ａｐｐ
ｓ有幾勁，等啲小朋友上完堂叫爸爸媽媽買。
不過，香江一班愛追潮流嘅父母最驚輸在起跑線，一於唔執輸點都幫仔仔女女報咗名先！盈
盈執筆時上過個官網睇，香江所有Ａｐｐｌｅ Ｃａｍｐ都已經Ｆｕｌｌ晒，但馬交仲有位，仲
想參加嘅朋友們，唯有畀少少錢買船飛，過大海去上堂啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
