RSS訂閱 《笑傲缸湖》盈盈噚日（２６日）睇新聞，發現花旗國家航空航天局（ＮＡＳＡ）被指話未
來將會公布發現外星人證據。不過，劇情有新嘅進展！
事情係咁嘅，根據一個名為「全球匿名者」嘅Ｙｏｕｔｕｂｅ頻道上傳嘅視頻，ＮＡＳＡ科
學家佐布赫（Ｔｈｏｍａｓ Ｚｕｒｂｕｃｈｅｎ）４月份喺一場科學會議上表示，話人類即將
宣布外星人嘅存在。但有探子研究之後發現，呢個「全球匿名者」並唔屬於任何一個組織，由此
分析，呢個「全球匿名者」同大名鼎鼎嘅駭客組織「匿名者」無關，ＮＡＳＡ被人老屈啦。
佐布赫亦都否認，話自己曾經講過宣布發現外星人證據嘅說話。佢反而話：「ＮＡＳＡ無公
布發現外星人證據嘅計劃」！
ＮＡＳＡ否認公布發現外星人證據，相信好多人同盈盈會有點失望，只好繼續埋首科幻小說
啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
