RSS訂閱 《笑傲缸湖》呢排聽到古臣日夜輕嘆，話自己走寶ＱＱ（００７００）云云，令到盈盈都留
意起ＱＱ來。就算盈盈呢類財經外行人，都覺得ＱＱ好勁。因為公司盈利創新高，中期純利
３２７億（人仔．下同），按年升逾六成，大幅好過預期。哇，盈盈簡單除一除半年１８０日，
ＱＱ一日賺１﹒８億呀，嚇死盈盈啦！
早前盈盈先睇到報道，話ＱＱ《王者遊戲》隻手遊，日均用戶數８０００萬人，相等於德國
人口！一聽呢個數字，就知道ＱＱ好疊水。唔知喺ＱＱ度打工，人工又高唔高呢？睇返公司數據
，截至６月３０日，ＱＱ一共有四萬幾個員工，比上年同期請多咗兩成九嘅人，而上半年所發嘅
薪酬達到１６０億，計一計人均半年薪酬有成接近４０萬，一個月都六萬幾呀！
不過，當然呢個係平均薪金，唔代表公司每一個低層嘅員工半年都賺到４０萬。如果真係可
以嘅話，咁ＱＱ唔單止係賺錢企業，仲係員工嘅再生父母啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
