笑傲江湖

06/10/2017 15:58

《笑傲缸湖》瑞安航空突良心發現加人工,香江快運依然無動於衷?

  《笑傲缸湖》早排香江打工仔趁放假買平機票去旅行,但竟然印證咗平嘢冇好嘢呢個定律,
香江唯一一間本土廉航公司香江快運喺十一黃金周假期期間好有「吉士」咁cut咗18班航班
,今個禮拜二同禮拜三居然仲有五班航班取消,唔少缸友就係咁完成咗香江機場一日遊嘅旅程,
唯有只可以喺心中同自己講:「咪當慳返啲錢囉…」嚟安慰自己。
  不過,對比返外國例子,香江快運取消咗23班航班算喺好濕碎(雖然呢啲事一單都嫌多)
,同樣都係搞廉航嘅歐洲瑞安航空(Ryanair)呢排取消航班嘅數量肯定可以「坐亞望冠
」,事關佢喺上月中到今月底因為唔夠人手已經取消咗2000班航班,喺上個禮拜「唔夠喉」
至宣布話喺今年11月到出年3月期間,再有航班要cut!加加埋埋總共有成1﹒8萬班航班
,更加有超過70萬個旅客不幸「中招」,買咗機票嘅缸友真喺欲哭無淚。
  不過,瑞安老細突然好似良心發現,竟然寫封道歉信畀班機師,話要加佢哋人工同畀多啲福
利,仲話瑞安係一間好有承擔嘅航空公司,希望佢?唔好辭職。
  睇返香江快運,冧檔以嚟除咗話要有高層落台之外,盈盈都冇聽過話快運老細要對旗下員工
作出啲補償嚟挽救公司士氣,更加冇話要點樣賠畀啲不幸「中招」嘅乘客,希望香江快運可以同
瑞安航空一樣盡快良心發現啦,否則幾平嘅飛都未必有人敢買喇。《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新【etnet健康】專頁登場喇!立即成為Fans獲得最貼身實用嘅健康資訊! http://fb.me/health.etnet.com.hk
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet Bonus賞你】只野仁水墨畫冊《政‧漫》(親筆簽名版)

【立即參加】etnet.com.hk Facebook 讀者調查

【DIVA Channel】賞 Kiss Me Heroine Make持久防水濃密調控睫毛液