《笑傲缸湖》盈盈細個都有睇卡通片高達,覺得D機器人能夠快速地飛來飛去,簡直匪夷所
思。勢估唔到更匪夷所思嘅係人類,因為佢哋真係研發到行動敏捷嘅機器人,而且嚟緊仲真係可
以派出來大戰!
呢一場機器人大戰,定喺下星期二(17日)進行。決戰雙方分別係來自花旗國嘅
Megabots同東灜嘅水道橋重工。Megabots派出參戰嘅機器人型號係
Eagle Prime(MKIII),至於東灜嘅一方就係KURATAS。
今次戰鬥唔用計分制,而係採用多回合格鬥賽制,只要KO對方就勝利。回合同回合之間仲
分開幾日,以便參賽方可以維修機械人。至於賽事地點就喺東灜一間廢棄鋼鐵廠舉行。之前因為
運送困難同埋選址問題而令到賽事一再延期,而家終於萬事俱備!
Eagle Prime實力非凡,高近五米,具有利爪,又可以發射漆彈。至於
KURATAS,亦有約四米高,具有非凡技術,而且可以做到人嘅動作,十分靈活,移動仲好
快。
今次賽事仲請嚟咗MMA名嘴Mike Goldberg評論!不過,格鬥呢樣嘢,一向
都好危險,香江嘅星如都撞腫眼,更何況係鋼鐵做嘅機械人喺度戰鬥呢?所以,基於安全理由,
賽事不設現場觀看,想睇嘅機器人迷,就要上網睇直播啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》原生家庭對成長有咩影響?改善溝通有計可施?► 即睇