RSS訂閱 《笑傲缸湖》盈盈不嬲都覺得東瀛佬非常之有創意，而且仲好騎呢，經常發明一Ｄ好實際但
唔多人用嘅嘢，例如可以防止你阿媽切菜個陣時整損嘅假手，同畀人用嚟發洩大叫嘅花樽﹒﹒﹒
，反正盈盈覺得，地球人已經唔能夠阻止東瀛人嘅騎呢創意。
不過，盈盈呢幾日就留意到東瀛波鞋佬亞瑟士（Ａｓｉｃｓ）發明咗一項技術非常神奇，就
係只要擺喺微波爐叮１５秒，就可以叮到對鞋出嚟，去個廁所都唔止呢個時間啦。老老竇竇，呢
項技術其實係由寶島一間科研公司研發出嚟，而擺入微波爐入面叮嘅物料，係一種可以通過加熱
而改變形態嘅泡沫，叫做聚氨酯顆粒。仲話可以照顧唔同客人嘅需要，想對鞋軟Ｄ又得，硬Ｄ又
得，得咗。而且，呢啲化學物料仲好色彩繽紛，換言之，想整成一對好似彩虹咁嘅波鞋都ｎｏ
ｐｒｏｂｌｅｍ，對各位想走喺潮流尖端嘅朋友嚟講，就唔使行出街同人撞鞋啦，咁唔怪得知，
亞瑟士會用Ｌｉｍｉｔｌｅｓｓ Ｐｏｓｓｉｂｉｌｉｔｉｅｓ（無限可能性）作為賣點啦。
之前波鞋一哥三葉草同ｎｉｋｅ話要用３Ｄ列印對鞋出嚟，３Ｄ列印幾乎咩都印到出嚟，盈
盈喺到估，呢兩個波鞋大佬遲早都會用到３Ｄ技術去生產波鞋。勢估唔到東瀛佬捷足先登，用微
波爐叮對鞋出嚟，而且只需要１５秒，應該仲快過用３Ｄ列印，仲同時可以大大降低成本。
雖然盈盈對化學呢樣嘢識條鐵兼喺一個冇乜運動細胞嘅女生，但盈盈諗到可以用自己嘅
ｉｄｅａ去微波爐叮一對波鞋出嚟，就相當興奮。只不過，呢項「叮鞋」技術仲喺測試階段，盈
盈恐怕都唔知要等幾耐，先可以發揮到自己嘅無限創意啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
