RSS訂閱 《笑傲缸湖》股壇長毛Ｄａｖｉｄ Ｗｅｂｂ５月中發表「謎網５０」名單，榜上有名嘅魚
毛，都驚到有得震無得瞓。而喺名單之內嘅君陽金融（００３９７），當時已傳出係監管機構重
點「關注」對象之一。而身為股壇「師奶殺手」嘅鄧聲興（下稱：聲聲）君就喺上個月底公告天
下，話已經離開咗君陽旗下嘅君陽證券，已經返緊新工咁話。
原來件事仲有下文！君陽金融噚日（１２日）竟然登報發聲明話，子公司快譽已經主動終止
咗同聲聲嘅僱傭合約，而佢喺旗下君陽證券、君陽資管等職位都終止埋。唔知君陽係咪怕缸友唔
清楚，噚晚再喺披露易出一份詳細版通告，直接指摘聲聲表現「不如人意」，與集團增強及擴充
集團所提供受規管活動嘅計劃不相符，但就暫保留聲聲董事職銜，唔通件事仲未完？！不過，畀
前老細公開批評，唔知聲聲會唔會唔開心豬呢？
盈盈即刻打電話，又Ｗｈａｔｓａｐｐ去關心聲聲，不過可能佢忙緊，暫時就未有回覆。但
係聲聲有份投資嘅泛亞環球物業顧問公司噚日搬Ｏｆｆｉｃｅ，佢都有份出席，見到佢好精神又
開心，依然咁靚仔，睇嚟見慣風浪嘅聲聲，都無受事件影響喎。
佢仲同傳媒講，自已表現就見仁見智，但就已經返緊新工，等證監會發新牌之後就會公布！
師奶粉絲們唔使擔心喇，應該好快又可以喺電視到見番聲聲講股仔！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
