RSS訂閱 《笑傲缸湖》大家估咗咁耐，終於等到高盛正式公布，邊個會係下一任揸ＦＩＴ人。答案就
係聯席總裁所羅門（Ｄａｖｉｄ Ｓｏｌｏｍｏｎ）喇，事關同樣係聯席總裁嘅施瓦茨
（Ｈａｒｖｅｙ Ｓｃｈｗａｒｔｚ）將會喺下個月講ｂｙｅｂｙｅ，意味住所羅門將會成為高
盛唯一嘅ＣＥＯ接班人。
不過呢ｄ大家睇新聞都睇到喇，盈盈想同大家分享嘅係佢嘅副業。原來每當所羅門有空餘時
間，佢都會除低佢嘅高級西裝同埋領呔，換上一身Ｔ恤休閒褲，戴上ｃａｐ帽同埋
ｈｅａｄｓｅｔ，變身做「ＤＪ Ｄ－Ｓｏｌ」摔碟，出沒喺紐約、邁阿密、巴哈馬唔同嘅夜店
。而呢位ＤＪ最出名嘅混音作品就係Ｆｌｅｅｔｗｏｏｄ Ｍａｃ嘅Ｄｏｎ’ｔ Ｓｔｏｐ，配
上重拍子嘅節奏，好動感嫁！
呢位新任高盛ＣＥＯ非常之平易近人，佢仲專門開咗個ｉｇ（Ｉｎｓｔａｇｒａｍ）放佢嘅
作品，仲有唔少喺台上面嘅英姿，有興趣嘅朋友不妨去望兩眼，帳號名係「ｄｊｄｓｏｌｍｕｓ
ｉｃ」。不過就唔知所羅門成為高盛新ＣＥＯ之後，到底有無時間繼續佢嘅音樂副業喇，始終係
全球最大投行之一，工作量應該都唔會少得去邊，但盈盈相信，真正有才能嘅成功人士，唔會一
味死做，要做到Ｗｏｒｋ Ｌｉｆｅ Ｂａｌａｎｃｅ，應該無難度！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
