《笑傲缸湖》花旗鋼鐵人馬斯克(Musk)經常發表關於移民火星嘅夢想計劃,之前都有
報道話花旗總統侵侵(特朗普)希望搞太空軍隊,實行預備星球大戰。如今,羅宋國總統普京都
出嚟發表太空科技計劃,最終想移民火星!
探子回報,普京最近公布咗一系列太空計劃,第一步係將於2019年發射一隻無人宇宙飛
船,去探索火星,之後就係發射載人宇宙飛船,睇嚟普京此舉係想同花旗航空航天局打對台,因
為該局早前公布咗涉資21億美金嘅火星探索計劃。
之前羅宋國太空總署已經同歐洲空間局合作實施ExoMars任務,目標係喺火星上搵出
生命跡象,可見普京發展火星探索科技嘅決心幾大!
不過探索外太空係咪真係百利而無一害呢?啱啱過咗身嘅霍金之前警告過人類,唔好登陸月
球招惹外星人,而家人類更加要登陸火星,會唔會係更加危險呢?《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情