RSS訂閱 《笑傲缸湖》上個禮拜，盈盈提過麥記喺花旗國出紀念金幣為Ｂｉｇ Ｍａｃ巨無霸慶生，
喺上星期四（２日）搞咗個活動，當客人買一個巨無霸，同時亦會收到一個ＭａｃＣｏｉｎ，喺
有效期２０１８年內任何時候可以用嚟換多一個巨無霸，實行與民同樂！不過，短短一個禮拜之
嘛，個紀念金幣就唔止值一個巨無霸咁簡單喇！
麥記呢個星期一（６日）喺神州２５００家門店，送出超過１００萬個ＭａｃＣｏｉｎ，依
家喺神州二手市場入面，「有價有市」，炒價已經高見５００蚊人仔！如果以巨無霸一個１７蚊
人仔嚟計，個價錢已經瘋狂飆至近３０倍！
其實由１９６７年開始，麥記巨無霸已經喺近全球１２０個國家公開發售。巨無霸更加喺
２０１７年錄得超過１３億嘅總銷售量，即喺全球每一間麥當勞平均每秒就賣出４０個巨無霸，
認真充滿「霸氣」啊！
盈盈一直以嚟都好佩服麥記嘅宣傳手法，永遠走在潮流嘅尖端，加上貼地嘅觸覺、創新嘅想
法，同埋無限嘅創造力，真係無得輸啊！抵麥記今時今日成為全球最大嘅快餐連鎖店！
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
