RSS訂閱 《笑傲缸湖》哈雷戴維森（Ｈａｒｌｅｙ Ｄａｖｉｄｓｏｎ）係花旗國標誌性嘅電單車品
牌，對於呢間公司想將生產線轉去其他地方，侵侵好似又有意見咁喎！
話說侵侵噚日（１２日）就喺推特留言譴責呢間公司，又表示支持個啲呼籲抵制購買牌子相
關產品嘅消費者喎！侵侵重申，停止購買Ｈａｒｌｅｙｓ嘅市民喺支持緊一個更「強大」嘅花旗
國，又補充話好多公司依家希望轉移去花旗國生產囉。
自從今年６月起開始，呢間有１１５年歷史嘅電單車製造商就一直陷入「公關災難」嘅惡性
循環入面，另外，歐盟嘅「報復性關稅」亦促使咗佢哋將生產線移去海外嘅決心添。
以盈盈所知，Ｈａｒｌｅｙｓ嘅「進軍國際」計劃其實喺印度同埋祖國已經有唔錯嘅進展，
但係因為缺少年輕買家支持，呢間公司嘅花國銷情已經開始下滑。根據Ｗｏｒｌｄ’ｓ
Ｔｏｐ Ｅｘｐｏｒｔｓ嘅數據顯示，上年呢間公司嘅電單車出口總額錄得２４１億美金，其中
佢哋生產嘅單車出口入面，亞洲嘅國家佔大多數，而出口去歐洲國家嘅喺其次咁話。
但Ｈａｒｌｅｙｓ嘅ＣＥＯ Ｍａｔｔ Ｌｅｖａｔｉｃｈ就重申佢哋唔喺玩緊政治把戲，
只係為專注公司發展，絕無其他成份。
唉，其實侵侵周圍辣著火頭，周圍鬧人，亦令盈盈有感而發：本是同根生，相煎何太急呢？
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
