RSS訂閱 《笑傲缸湖》Ｆａｃｅｂｏｏｋ幾咁強勢係人都知，佢甚至控制埋媒體嘅一舉一動，連媒體
想出咩Ｆｅｅｄ佢都要話事。話說最近流傳一單新聞，就係Ｆａｃｅｂｏｏｋ嘅新聞主管布朗（
Ｃａｍｐｂｅｌｌ Ｂｒｏｗｎ）就曾經警告過一班媒體工作者：「你如果唔好好同我地合作，
我就整死你間公司！」
消息一出，大家十級驚訝：「哇！黑社會口吻嘅喂！」呢句說話起初係澳洲幾間媒體講出嚟
，然後就一傳十、十傳百。甚至有聲稱Ｆａｃｅｂｏｏｋ嘅「高層」同媒體講：「我哋老闆朱仔
（Ｚｕｃｋｅｒｂｅｒｇ）根本都唔ｃａｒｅ班媒體死活，邊個作反就邊個死！」。
當然啦，消息傳到Ｆａｃｅｂｏｏｋ官方果邊，就梗係拿拿臨出黎撲火，官方發言人表示呢
句話簡直「斷章取義」！而布朗都解話：「其實，呢句根本係我地會議入面斷章取義嘅說話，我
哋每日都為公司做緊唔同嘢，而且同全球媒體、記者多方溝通，最終目標就係想幫助大家「Ｗｉ
ｎ Ｗｉｎ」雙贏，建立一個持續營運模式。」
對於呢個講法，唔知大家收唔收貨呢？但而家Ｆａｃｅｂｏｏｋ都成為我哋日常生活嘅一部
分，佢梗係惡晒啦！早一排佢哋個系統改變咗演算法，令到出廣告嘅模式唔同咗，最終變成「有
科金先有瀏覽量」，而且個Ｐｏｓｔ多少少肉色嘅嘢都被人當鹹濕野，又曾經唔比人講「自殺」
、「死」之類嘅Ｐｏｓｔ，連新聞報道都唔俾提及！盈盈都要畀個「嬲嬲豬」呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
