《笑傲缸湖》除咗侵侵(特朗普)喜歡喺Twitter(推特)講三講四之外,鋼鐵人馬
斯克(Elon Musk)亦鐘意喺推特上漏口風,早前佢喺Twitter表示考慮以每股
420美金將Tesla(特斯拉)私有化,之後又話資金面無問題,最近仲話同銀湖資本
Silver Lake以及高盛作財務顧問,研究合作私有化Tesla。
不過公司入面有人似乎對馬斯克有D微言,探子回報,有董事認為馬斯克失控,希望佢停止
再喺Twitter發貼文。不過馬斯克唔單止行為照舊,而且仲披露一D真實性存疑嘅內容,
令公司招惹咗唔少爭議,亦引來監管機構嘅懷疑。
就好似馬斯克早前一條話得到沙特主權基金資金支持嘅貼文,內容一發布後,就刺激到特斯
拉股價暴漲,引來花旗證監注意。難怪公司董事都怕咗馬斯克,唔想佢再講咁多嘢啦!
侵侵利用Twitter作為政治工具,出吓貼文就可以影響國際關係,馬斯克利用
Twitter,話唔定又真係影響到私有化最終交易價呢!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情