RSS訂閱 《笑傲缸湖》人稱「鋼鐵人」嘅Ｔｅｓｌａ總裁馬斯克，除咗搞電動車，仲做埋火箭等航天
業務，行年４７歲，可以話年輕有為，盈盈曾幾何時都當正佢係男神。但馬斯克今年似乎特別多
「搞作」，繼惡意誹謗人哋係「兒童強姦犯」、網絡直播食大麻、喺Ｔｗｉｔｔｅｒ放出「私有
化」流料，搞到Ｔｅｓｌａ股價急挫之後。啱啱過去嘅星期日（９日），馬斯克又喺美國著名節
目《６０分鐘》中公開嗆聲，大大聲話自己「唔尊重證交會」。
鋼鐵人做咩咁躁？事緣咪就係９月份「私有化風波」搞大咗，最後搞到花旗國證交會嬲嬲豬
，要告馬斯克欺詐，好彩最後叫做和解咗，條件就係要馬斯克畀罸款２０００萬美金、放棄
Ｔｅｓｌａ董主席一職至少三年，仲要佢增設額外嘅管控和程序來監督自己通訊，簡單嚟講即係
要搵個「保姆」返嚟睇住佢有冇亂講野，尤其係Ｔｗｉｔｔｅｒ。一向敢言嘅馬斯克，梗係唔甘
心啦，於是咪大放厥詞，同證交會打對台，仲話達成和解後，唔覺有人檢查過佢Ｔｗｉｔｔｅｒ
嘅推文，新主席亦唔係佢保姆，自己依然可以通過股東大會通過自己想做嘅事。
依家Ｔｅｓｌａ私有化計劃就胎死腹中啦，但唔講唔知當初佢為咗討好加拿大電音歌手女友
，打算將私有化價格定喺對大麻愛好者有特別意義嘅「４２０」美金，真係閃死人啦。當然啦，
閃還閃，Ｔｅｓｌａ依家股價「三碌拎」都唔夠，股民私有化春秋大夢早已幻滅！
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
