RSS訂閱 《笑傲缸湖》花旗國議會最近對幾間矽谷科技佬搞咗個聽證會，其實都係例行公事，但估唔
到咁都可以有花生！
話說有議員問谷歌ＣＥＯ桑達爾，點解係Ｓｅｒａｃｈ「白癡」嘅時候，會搵到侵侵（特朗
普）個樣呢？係咪谷歌有政治取向所以呢？應該要交代下囉！
但心水情嘅缸友，一聽到呢個論述，真係由心底裡笑出嚟啦！其實谷歌邊度得閒日日搞呢啲
政治嘢，搵「白癡」而出到侵侵，據官方解釋係因為大部分搜尋者係搵白癡時候，其實心底裡都
係想搵侵侵。
正常嘅搜尋系統入面，當你想搵任何一個關鍵字，系統已經幫你Ｓａｖｅ低咗幾十億個
Ｐａｇｅ，之後系統會根據相關性、熱度、流行度、其他人點用呢張相而進行排序，然後部份搜
尋者會對佢地嘅搜尋結果作出評價，從而確定到關聯的準確性。
議員重要調返轉問：「所以個系統唔係背後有個人決定咩關鍵字出咩圖？」ＣＥＯ就話搜尋
結果係由大規模嘅網絡用家決定，唔係可以由幾個人去做到。
有分析指出，點解會出現呢個情況係因為有「外部勢力」想操控呢個結果，呢個策略叫「谷
歌轟炸」，除咗有心人係谷歌系統入面瘋狂投票之外，仲會有人係不同地方開ＰＯＳＴ，將「白
癡」同侵侵個樣放埋一齊，搜尋系統就會認為兩者之間有關聯性。至於邊個係「有心人」，就不
得而知啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
