《笑傲缸湖》唔知大家有冇留意身邊男多定女多,香江其實一向算比較男女平等,連大學裏
面都係女多過男;但其實好多企業管理層都係男多女少,而當中AI(人工智能)業界男女比例
就更加懸殊。最近《世界經濟論壇》嘅報告就話AI業界唔夠兩成半職位由女性擔任,嗰性別
gap係其他行業嘅三倍,科技行業男多女少盈盈唔驚訝,但AI行業男女比例有咩特別值得關
注?
講起Siri,唔知大家諗起男聲定女聲?盈盈就即刻諗起嗰把溫柔又不失成熟,穩重又不
失幽默嘅女聲,其實Siri喺大部分國家都係預設咗女聲,亞馬遜、谷歌嘅虛擬語音助理同樣
預設女聲,用嚟接收同執行命令。谷歌嘅智慧寫信功能會假設「Investor」係
「He」、「Nurse」係「She」,比人閙爆之後,就索性取消咗性別代名詞建議功能。
AI對性別嘅認知喺邊度嚟?邊個教佢ff護士就係靚靚「白衣天使」?投資者就係霸氣金
融才俊?雖然AI其中一個特點就係能夠自主學習,但報告就話編程者嘅偏見會影響AI嘅思想
,行業男多女少有可能令AI更容易受男性傳統思想同偏見影響,所以AI創造者必須能夠反映
整體人口特點。
AI係世界未來一大發展趨勢 智慧城市、智慧家居,甚至有可能取代現有嘅大部分職業
,係好係壞仲係未知之數,但盈盈可以好肯定AI喺未來世界地位將會舉足輕重,希望佢地唔係
一班帶有性別定型同歧視嘅AI。不過,如果AI行業持續男多女少,未來嘅AI豈不是個個都
好大男人主義?盈盈而家都係坐言起行,去學吓AI嘅相關知識先啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
WoW WoW星期三:健康網購產品低至$99 (只限今天)► 立即行動