RSS訂閱 《笑傲缸湖》米字國將於３月底正式脫歐，但至今仲未同歐盟傾掂數，如果最終喺無協議之
下硬脫歐，唔單止郁到個經濟，仲郁到「舊事頭婆」英女皇。
當地有傳媒報道，米字國政府為防３月底脫歐引發倫敦街頭動亂，將動用冷戰時期嘅緊急計
劃，必要時將舊事頭婆同其他王室成員由倫敦撤離。
一個匿名內閣辦公室官員同傳媒講，呢個緊急疏散計劃一早喺冷戰時期就存在，依家就用來
應對硬脫歐後可能出現發生內亂嘅情況。有曾經保護過王室成員嘅前警官就話，如果倫敦出現問
題，唔使講梗係要帶走班王室成員。
但呢個計劃就引來負評，有脫歐派保守黨國會議員就認為計劃好誇張，因為當年二次大戰，
王室高層都留喺倫敦，呢個計劃正正突顯啲官員對硬脫歐有不必要恐慌。亦有人質疑，就算真係
有動亂，王室成員都未必係目標之一。有網民更笑指，呢場英女皇撤離嘅大龍鳳唯一需要關注嘅
係，前排炒車嘅９７歲菲臘親王喺撤離嘅時候有無份揸車。
不過，亦有評論指，呢個計劃既政治意味更濃，話係王室比壓力保守黨通過脫歐議案。究竟
有無必要撤離，盈盈覺得見仁見智啦，但斷估脫歐後嘅威脅，應該比唔上世界大戰掛。
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
