《笑傲缸湖》花旗國有錢夫婦真係好大分別,亞馬遜貝索斯同老婆搞緊離婚之際,「標叔叔
」蓋茨夫婦就繼續甜甜蜜蜜搞慈善,唔經唔覺,原來蓋茨基金已經過咗19個年頭,盈盈記得二
千年代非洲瘧疾問題嚴重,都係靠呢個基金一手一腳咁為非洲小朋友提供藥物。
踏入第19年,蓋茨兩公婆最新就寫封公開信,入面提出9大事項有關現今全球關注嘅重要
事項:
1﹒非洲係最多後生仔嘅大陸。係全球人口都面對老化嘅時候,非洲人年齡中位數都Keep係
18歲,未來幾十年非洲年輕人口數目都會保持上升,蓋茨夫婦都認為非洲會有非常大潛力,因
為年輕人將會主宰未來。
2﹒基因檢測潛力無限,可以預防早產。自人類發現基因之後,除咗搵到好多命案兇手之外,更
可以為肚入面嘅嬰兒進行基因檢測鑑定,可以預防小朋友早產及預知部分先天疾病。
3﹒今後40年,每月多一個紐約市。城市人口快速增長,去到2060年人口經會翻倍,相當
於每個月起一個紐約市,而且需要大量鋼筋水泥,點樣係全球暖化下實現起咁多大城市都係一個
問題。
4﹒數據都有性別歧視。人類每日化大量資源研究健康發展數據,但關於婦女同女童嘅數據就少
之又少,有關於「女性問題」得不到深入研究,將會防礙人類整體進步。
5﹒幫青少年學習如何管理情緒。愈來愈多研究表示,如果可幫助年輕人控制情緒,當面應對一
啲言語衝突、暴力情況,避免出現非死即傷局面。
6﹒全球也是一個「民族」。「民族主義」係21世紀聽得最多嘅詞語,民主主義核心就係將國
家利益放係首位,但並不等於將其他國家置之不顧,相反要反行其道,推動全球合作先係最好嘅
「愛國主義」。
7﹒廁所同一百年前分別不大。蓋茨同老婆梅琳達係八年前已經留意到,全球仲有20億人用緊
嘅廁所仲好邋遢,而且糞便未經處理就排出境外,引發起國家衛生問題,同一百年前一樣,所以
基金將會用更多資源進行研究,希望等窮人都可以用得起「廁所」。
8﹒課本內容開始過時。蓋茨讀過好多教材,但唔知道學生理解到幾多,所以係軟件幫助下,單
純依賴課本嘅學習模式已經過去,可以滿足依家學生需求,等老師知道學生嘅學習進度,從而可
以因材施教。
9﹒手機喺貧窮女性群之中可以發揮最大效用。梅琳達話,現今智能手機為生活帶來便利,但對
於全球最邊緣化嘅女性而言,手機對佢地來講除咗便利之外,更可以開啟新生活,打破邊緣化嘅
煩惱,發揮最大功用。
唔知大家又點睇呢9大事項呢?盈盈就覺得呢封信好多都提及社會不公、衛生、科技等等問
題,特別係弱勢社群值得大家關注下,可能就係基金會未來幫助重點!科技本來就係為人類帶來
美好生活,蓋茨喺科技上賺到大錢,再投放入社會,咁就可以做到「永續」啊嘛!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新etnet健康網購,送你【健骨維他命D3(1000IU)】乙樽(價值$108)► 立即行動!