RSS訂閱 《笑傲缸湖》高爾夫個傳奇人物叫「老虎」活士，由於出軌、醉駕，令佢消失喺體壇一段長
日子，直至上年佢重返高爾夫球場，最新喺大滿貫錦標賽，攞咗ＰＧＡ美國名人賽嘅冠軍。活士
事隔１１年再度封王，活士粉絲自然笑逐顏開，但「三葉草」Ａｄｉｄａｓ可能唔係好笑得出。
活士喺今次嘅比賽上面用咗ＴａｙｌｏｒＭａｄｅ嘅高爾夫球桿，呢套特別版嘅高爾夫球桿
最新賣緊２０００美金，比標準版球桿貴４０巴仙。
事源２０１６年高爾夫用品行業面臨重大壓力，Ａｄｉｄａｓ打算將
ＴａｙｌｏｒＭａｄｅ賣走，專注波鞋同服裝業務。期間好多私募基金都了解過呢間公司嘅財務
狀況，但都紛紛話對高爾夫設備行業嘅前景好擔心。直到２０１７年之後，Ａｄｉｄａｓ終於搵
到買家，私募基金ＫＰＳ願意以４﹒２５億美金收購咗佢，同埋Ａｄｉｄａｓ旗下兩間高爾夫用
品公司。比起１９９７年以１４億美金從法國佬Ｓａｌｏｍｏｎ買入ＴａｙｌｏｒＭａｄｅ嘅成
本，Ａｄｉｄａｓ真係輸到眼突突。
就喺Ａｄｉｄａｓ賣出ＴａｙｌｏｒＭａｄｅ幾個月之後，ＴａｙｌｏｒＭａｄｅ眼光獨到
，與活士簽署合作協議，成就活士今日再度封王嘅畫面，唔知Ａｄｉｄａｓ見到有咩諗法呢？
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
