RSS訂閱 《笑傲缸湖》全世界有上網嘅人都知道，花旗國總統侵侵（特朗普）最鐘意就係日日上網玩
推特（Ｔｗｉｔｔｅｒ），網民稱為「推特治國」，耐唔耐嘴砲一兩句，搞到一時就國際動盪，
一時就「孖屐」大起大落，真係狂人你玩曬。
最近侵侵又係網上開炮，呢次竟然係向推特發火，話佢地對自己唔公平，重非常歧視侵侵咁
話，而推特上啲粉絲又唔見咗，暗示係推特惡意移除咁話！
噚日侵侵同推特創辦人多爾西係華府見個面、吹下水咁，席間侵侵當然向多爾西問罪啦！侵
侵發現自己推特少咗「科勞牙」（Ｆｏｌｌｏｗｅｒ），問多爾西係咪針對自己同唔鐘意共和黨
？
多爾西梗係話無呢件事發生！事關推特耐唔耐就會清除垃圾帳戶，所以一個唔覺意就刪除埋
佢堆「科勞牙」咁話囉。係過去一年推特試圖打擊虛假帳戶，以減少操縱同濫用內容，以避免出
現「假粉」，維持網絡健康咁話。
完成會面之後，侵侵又係推特發文指，呢次會面情況良好，希望以後都可以同多爾西保持「
公開對話」，多爾西回應指推特係為全體公眾服務，所以為維持網絡健康及民主。
其實侵侵係推特開ｐｏｓｔ頻密程度令人懷疑，呢邊鬧完人個邊就同人搭膞頭，佢係咪都有
個「小編」呢？真係唔知啦。但早幾日係斯里蘭卡發生大爆炸，侵侵都係網上譴責同悼念，之後
１０幾分鐘就話：「大家復活節快樂！而家從來未試過咁開心，因為花旗國表現太好，經濟係世
界熱話，願大家有美好一日。」
哇！咁樣髮夾彎轉話題，真係好難跟到你啦侵侵。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
