RSS訂閱 《笑傲缸湖》唔少缸友都知道花旗國總統侵侵（特朗普）平時鍾意上Ｔｗｉｔｔｅｒ（推特
），而且發貼文嘅次數可以多到一日出幾個，而且佢向來言論出位，有傳媒仲發現佢仲會「今天
的我打倒昨天的我」，就同一件事發表唔同意見，令人留下深刻印象。但發表個人意見，反映出
言論自由，偶爾出位講下笑都無傷大雅，但如果發放錯誤嘅資訊誤導大眾就唔好啦。
最近Ｔｗｉｔｔｅｒ喺侵侵嘅貼文下方加咗個ｌａｂｅｌ，提醒用戶侵侵寫嘅內容同事實不
符，存在誤導成分。呢個係Ｔｗｉｔｔｅｒ第一次咁做，結果激到侵侵出文反擊，指責Ｔｗｉｔ
ｔｅｒ企圖打壓言論自由及干擾選舉。究竟侵侵個貼文講咗咩搞到要被標籤？呢個新措施又合唔
合理？咁就要大家評下理啦。
事緣侵侵喺星期二發貼文，攻擊加州民主黨籍嘅州長Ｎｅｗｓｏｍ，指佢將選票郵寄比全州
嘅居民，包括寄埋比非當地居民以及無身分證明嘅非法移民，令選票有機會被塗改、冒簽，連個
郵箱都有被盜嘅風險，令選舉出現舞弊。但事實係，加州政府咁樣做係因為今年疫情而作出嘅特
別安排，最重要嘅係州政府只會將選票郵寄比已經登記咗嘅選民，其他非當地居民、非法移民喺
唔允許喺選舉投票。
有見及此，Ｔｗｉｔｔｅｒ就喺侵侵兩個有關貼文下方標示「有關郵寄選票嘅事實」，用戶
ｃｌｉｃｋ入去就見到相關報道，入面仲有列明報道嘅資料來源，以及專家意見，指郵寄選票一
般好少與選舉舞弊扯上關係。Ｔｗｉｔｔｅｒ事後解釋，咁樣做係遵從返公司本月中更新咗嘅政
策，以打擊喺疫情期間出現誤導及未經核實嘅資訊，而今次侵侵嘅貼文有誤導選民之嫌，所以要
為侵侵嘅貼文提供足夠背景資料。
作為一個公眾人物，講嘅說話有好大影響力，所以核實資料來源係一個責任，而且目前距離
花旗國１１月總統大選唔係剩返好多時間，屆時好可能有更多選舉抹黑嘅資訊流出，隨時左右成
個輿論風向，所以盈盈都認同Ｔｗｉｔｔｅｒ咁嘅做法。不過，有其他用戶反映，話ｔｗｉｔｔ
ｅｒ做得唔夠，例如點解唔直接有個ｌａｂｅｌ話個貼文包涵錯誤資料，又話個提示字體唔夠大
。睇來花旗國民眾都好重視資訊嘅真確性！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
