笑傲江湖

28/05/2020 15:40

《笑傲缸湖》侵侵想搞Twitter?fb朱仔睇唔過眼!

  《笑傲缸湖》盈盈噚日先同大家講過,花旗國總統侵侵因為喺Twitter嘅post入
面,攻擊加州民主黨籍嘅州長郵寄投票會令選舉出現舞弊,而被Twitter點出嚟提醒讀者
要查證事實,即係間接話佢發放fake news,侵侵梗係嬲嬲豬啦。白宮發言人最新就話
,侵侵會簽署內容有關社交平台嘅行政命令,各界人士隨即發聲話佢無權限制社交媒體。究竟大
家鍾意一個會叫你fact check嘅社交平台,定係鍾意簽署行政命令打壓言論自由嘅總
統多啲呢?盈盈真係好想知答案!
  大家首先睇睇法律界人士嘅意見。第一修正案律師同刑事辯護律師Ken White就話
,侵侵只係向緊佢嘅選民釋出空洞嘅道德信號,顯示自己企喺道義一方,佢認為政府其實無權關
閉社交媒體,因為入面嘅內容同時具有法定同第一修正案的權利,可以酌情進行審議同發表評論
。而有大學法學教授覺得,侵侵好明顯想蝦Twitter,令佢可以繼續散布佢想發放嘅消息
,無論佢哋係真定假,侵侵都完全唔使受到懲罰。似乎法律界真係好不滿咁喎。
  同行如敵國,另一面睇就係同氣連枝。Twitter主要競爭對手Facebook行政
總裁朱克伯格出聲,佢接受外媒採訪果陣話,需要了解政府真正想要做啲咩,但暫時嚟睇,政府
因為擔心審查制度而選擇審查一個平台,並唔係恰當嘅反應。
  雖然依家Twitter同Google官方未有回應,但諗下都知唔會歡迎侵侵嘅決定啦
!盈盈知道侵侵善於製造敵人,再靠打擊佢哋提高自己聲望,就係因為咁,佢先可以喺政商界獲
得成功。不過,盈盈覺得呢個方式只適用於對外,例如以往嘅北韓,針對花旗國本土嘅社交媒體
對佢並無好處,仲可能會打擊民望,不利總統選情,所以倒不如花多啲時間諗下點樣刺激經濟好
過啦!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新etnet健康網購,送你【健骨維他命D3(1000IU)】乙樽(價值$108)► 立即行動!

放大顯示
練好基本功
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力