RSS訂閱 《笑傲缸湖》今年爆發嘅新冠肺炎嘅威力真係好大，呢個疫情唔單止改變咗大家返工、返學
嘅模式，當中最大嘅威力可以話係改變咗一個國家嘅發展模式，最近就有發現話神州已經從經濟
主導轉型到消費主導。
以往神州一直都強調經濟、出口等方面，但喺疫市下，個個國家都封關防疫，唔好話對外貿
易，就連自己內部經濟活動都要暫停啦。因此喺今年神州兩會中，首次破天荒地無設今年全年嘅
經濟發展目標，而今年嘅政府經濟報告入面亦將「防疫」同「穩」放喺重點，主要就係通過就業
及擴大內需穩定經濟。
雖然目前神州嘅經濟數據仲未好清楚咁表現出呢個巨大嘅轉變，不過從差唔多每日都有得Ｔ
ｒａｄｅ嘅神州魚缸入面可以發現到一啲蛛絲馬跡。喺尋日（２日）貴州茅台（滬：６００５１
９）就順勢破頂，高見１４２７﹒９人仔，最新市值達到１﹒７７萬人仔。依個市值代表咩？講
起自２０１５年來就排喺第一嘅工商銀行（０１３９８）（滬：６０１３９８）ＡＨ兩市值加埋
都係１﹒８１萬億銀。姐係貴州茅台有好大機會會超越工行榮獲Ａ場市值第一。
自神州疫情得到控制後內需消費股就受到孖屐嘅追捧，茅台股價就不斷創新高，反而金融股
就落後。過去十年，茅台累計上漲超１２倍，而滬指漲幅都係一成半。
茅台市值迅速漲大，係另一個方面可以證明神州經濟由投資同出口驅動向消費驅動轉型。有
分析就話，Ａ場股嘅市值係跟著國家經濟結構變化的，同時都代表著經濟發展方向，相信未來會
有更多消費型魚毛超越金融及中石油中石化公司。當前上證綜指權重最大嘅成份股中，除咗茅台
，其餘４隻都係金融股。若果茅台真係成為Ａ場股值第一，神州或會修改延用咗近三十年嘅滬指
編制方法，降低金融和能源行業權重，增加科技等新興行業權重。盈盈真係好期待茅台市值登上
第一位嘅一刻！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
