RSS訂閱 《笑傲缸湖》盈盈我呢啲公司嘅「勤力員工」，耐唔耐同其他同事Ｃｈａｔ一會兒，八下老
細有咩新動作，又或者隔離組係咪有咩新戀情曝光。其實，辦公室之間成日私聊，都見怪不怪，
不過喺華爾街大行就好大件事，而且隨時會唔見份工。
據報，事源大摩兩位資深商品交易員畀人解僱，原因係佢吔用咗一啲未經授權嘅通訊系統進
行私聊！咩「通訊系統」咁危險啊？咪就係Ｗｈａｔｓａｐｐ囉！因為呢類通訊系統經過加密，
所以大摩就無法監察佢地講過啲乜，繼而就被人炒魷魚啦。
吓？唔係話有私隱保障自由咩？點解員工私Ｃｈａｔ都要被人睇實？據知，係因為怕唔同嘅
交易員進行檯底交易、操控股價咁話。報道引述消息人士話，大摩發現唔到佢吔喺Ｗｈａｔｓａ
ｐｐ上面有違規行為，但使用呢種平台本身就係違反規定。
其實，花旗國通訊監管機構無法例話員工唔可以用Ｗｈａｔｓａｐｐ，不過由於銀行業存在
好多「信息影響價格」嘅情況，所以銀行必須要監察員工嘅通訊紀錄，所以好多華爾街公司都開
始用Ｓｙｍｐｈｏｎｙ呢類軟件溝通，呢類軟件本身就係考慮到監管機構嘅要求而設。
不過，慘慘豬嘅係，呢兩位交易員都係大摩工作好耐日子，其中一位喺３４年前大學畢業就
加入大摩工作至今，另外一位都喺大摩做咗１３年。又咁講，法律都不外乎人情，兩位資深員工
都為公司工作咁年，無功都有勞，呢次不涉個人利益，大摩會唔會考慮法外開恩呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
