RSS訂閱 《笑傲缸湖》今個冬天忽冷忽熱咁，但香港地個股市就日日破頂，真係「熱辣辣熱辣熱辣辣
，好熱好熱」；另一邊廂，遠在北方嘅西伯利亞，除咗係冬天的冠軍之外，近期都開始做埋比特
幣挖掘場，就係因為貪佢夠凍！
外媒報道，由於近期比特幣日日破頂，所以惹來一大班新血又想加入挖礦行列，不過礦就挖
得七七八八，而且電費及冷卻成本又貴，點算好呢？唔知邊個聰明豆諗到，竟然忽發奇想去西伯
利亞建設比特幣礦場，目前大大話話都有五千部機。
西伯利亞閒閒地都零下３０至４０度，挖礦機又唔使搞水冷做冷卻之餘，又可以當暖爐，真
係一物兩用！而且當地Ｎｏｒｉｌｓｋ市有一間鎳廠做埋電塔供電，講緊每千瓦時都係畀緊２亳
半港紙，幾乎係全球最平電費，真係抵到爛！唔怪得有人搬去做啦。
比特幣呢兩日因為股市熱烈關係，又似乎再度走軟，盈盈執筆時報３４９４８美金，跌約２
巴仙。比特幣炒到咁貴，真係日日坐過山，心血少啲都唔得！而喺米字國，有個男人就真係慘慘
豬啦，因為佢７年前就Ｄｕｍｐ咗一個裝有７５００個比特幣嘅硬碟，呢幾千個幣係佢１１年前
挖礦所得，佢以為呢啲幣可以隨便複製到新硬碟就可以使用，點知原來唔得。
佢曾經提議過，如果政府幫手搵返個硬碟，就可以捐出硬碟內嘅四分一比特幣出嚟，但政府
又點會理你呢？依家呢７５００個比特幣市值約２﹒５７億美金，唔知會唔會有幸運兒執到呢塊
寶呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
