RSS訂閱 《笑傲缸湖》近排比特幣愈升愈有，隔晚一度突破５８０００美金水平，一粒比特幣仲貴過
一公斤黃金，特斯拉ＣＥＯ馬斯克就繼續帶貨，響Ｔｗｉｔｔｅｒ到話與其買黃金，不如買「數
字黃金」好過！
比特幣呢排同特斯拉好ｆｒｉｅｎｄ，事關特斯拉喺１月份掃咗價值１５億美金嘅比特幣，
年頭到依家比特幣價已經漲超九成，分析師估計特斯拉過去一個月就靠比特幣賺咗至少１０億美
金，賺得仲多過特斯拉舊年賣一年車嘅利潤７﹒２１億。點知馬斯克仲未心足，繼續說服缸友們
入貨，話反正買黃金都係買咗個「虛擬通知」，唔係真係買實體金避險，倒不如買比特幣投資下
。
可能大家都以為馬斯克好喜歡比特幣，但原來佢都係無可奈何先買。佢近排澄清買比特幣只
係要對抗一下通脹，話如果法定貨幣實質利率轉負，只有傻仔先唔去搵啲替代品買下，仲話依家
比特幣同以太幣價錢已經幾高下。
分析師預測，成個花旗咁多上市公司當中，只有不到５巴仙會同特斯拉一齊買比特幣，直到
監管機關對虛幣孖屐出台規範，成個區塊鏈行業都會大地震，可能真係得馬斯克咁夠薑入咁多貨
。
睇返交易所Ｃｏｉｎｂａｓｅ數據，隔晚比特幣最高見５８３６７美金，依家三點鐘就報５
６０８７﹒６美金，跌咗半個巴仙左右，回吐咗唔少，到底未來會繼續突破天際，定係會打回原
形呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
