RSS訂閱 《笑傲缸湖》炒幣熱潮持續幕後「功臣」緊係唔少得鋼鐵俠馬斯克（Ｅｌｏｎ Ｍｕｓｋ）
，自從佢上個月８號首次披露用咗１５億美金買比特幣之後，一眾加密貨幣升完再升。不過特斯
拉就行相反路！股價自從２月８日嘅８６３﹒４２美金跌到上日６７５﹒５美金，跌咗超過兩成
，市值縮水超過２０００億美金，真係嚇親盈盈！
聽分析師講，原來因為孖屐將特斯拉股價同比特幣價格直接掛鈎，所以近日比特幣被拋售就
促使多咗人在短期放特斯拉股票。特斯拉股價大跌，直接導致鋼鐵俠個人資產大縮水，仲讓咗位
甲首富個位出嚟。暫時鋼鐵俠個人總資產大約１６１５億美金，在「福布斯４００富豪榜」上面
排第２，僅次於亞馬遜行政總裁、傑夫貝佐斯（Ｊｅｆｆ Ｂｅｚｏｓ）。
呢位財經科技界ＫＯＬ馬斯克影響力真係不容忽視，之前比特幣大漲嗰時佢喺推特講咗一句
：價格似乎「有點兒高」就即時令比特幣跌低大約７巴仙；喺推特狂「推」狗狗幣，仲話自己為
仔仔買定狗狗幣，搞到狗狗幣今年價格最多升過１７倍造過８﹒７美仙。佢咁出位，搞到市傳花
旗證監會已經就佢嘅言論展開調查。不過呢位鋼鐵俠就回應話歡迎證監會調查，仲話會係一件好
事！
盈盈真係猜唔透鋼鐵俠嘅諗法，不過持有特斯拉或者加密幣嘅朋友，一定要密切留意呢位Ｋ
ＯＬ嘅推特啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
