極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
00268 金蝶國際
即時 按盤價 跌8.830 -0.080 (-0.898%)
相關評論

03/02/2021 11:45

《古臣周記-古臣》聽親雲端股唔使頭痕,SaaS股微盟確係醒神

  《古臣週記》隨住新冠疫情爆發,「宅經濟」概念就開始灸手可熱,而神州位列全球第二大
雲服務孖屐,中概雲計算股就更加吃香!市場分析機構Canalys數據顯示,舊年神州雲基
礎設施服務支出猛增六成五,首次超過50億美金,雲服務消費增長勢頭強勁。
  正當科指破萬關後回落之際,一眾雲端股近日都齊齊回吐,阿臣認為近期正是建倉良機,一
來神州「十四五」規劃強調「科技自立自強」,跟國策走實冇死;二來雲應用為發展大趨勢;三
來神州雲計算業務正處於高速發展期。總言之,雲端板塊的確有唔錯潛力。
 
*何謂SaaS?*

  「股神」巴菲特話齋,唔好投資你唔了解嘅事物。先等阿臣幫大家搞清楚咩係雲概念。雲計
算就係通過網絡去連結伺服器,從而儲存同處理資料。雲概念股大致可以分為三個板塊,一、基
礎設施即服務(IaaS),二、平台即服務(PaaS),及三、軟件即服務(SaaS)。
  第一種係「硬體」──IaaS服務簡單嚟講,就係將主機同網路設備租借出去,為客戶提
供實體上嘅計算資源,例如阿里巴巴(09988)旗下嘅阿里雲就會將運算能力同儲存空間租
俾其他公司,再按使用量收錢。
  第二種係「平台」──PaaS服務就更進一步,為客戶提供一個簡單易用嘅工具平台,等
佢哋可以係雲端平台上開發自己需要嘅系統或者產品,Google App Engine同
Windows Azure就係其中嘅例子。
  第三種係「軟體」──SaaS就更加方便,客戶係咩都唔使做,只需要用供應商提供嘅軟
件服務,連下載落部電腦到都慳返,Google Doc同Gmail就係好例子。

*三舊雲中SaaS最有錢途*

  SaaS距離小市民生活最近,「錢」景亦最大。依家SaaS係全球收入最高嘅雲業務,
根據Gartner統計,SaaS服務2019年全球收益高達948億美金,領先PaaS
嘅614億美金,同IaaS嘅389億美金。業界普遍認為SaaS會繼續成為雲業務嘅主要
支柱,分析認為SaaS收益喺2021年會增長佔成個雲計算行業嘅七成五。
  神州研究機構艾瑞諮詢統計,2019年神州企業級SaaS市場規模係362﹒1億銀人
仔,按年增長咗48﹒7巴仙,初步估計2020年規模有成533﹒4億銀人仔,2021年
預測增長率都有41﹒8巴仙,預計2022年規模將會破千億。對比花旗國已經有多間
SaaS上市公司市值超過千億美金,神州SaaS行業仲處於發展初期,2019年企業IT
支出只係佔神州GDP嘅16﹒4巴仙。按照港股嘅標桿SaaS企業中國有贊(08083)
同微盟(02013)市值分別只有611億及570億港紙,距離千億美金仍有一大段路要走
,要把握雲計算發展黃金十年,SaaS絕對係主角。

*國策疫情齊加持*

  新冠疫情大力推動神州企業數字化轉型,傳統線下餐飲、零售同探購活動被迫加速轉向線上
活動,零售電商、協同辦公同數字化採購SaaS服務需求大增,各類SaaS企業都響呢段時
間得到大量新用戶,雲業務孖屐被大大激活。
  去年以嚟,神州先後出台《中小企業數字化賦能專項行動方案》、《關於推進「上雲用數賦
智」行動培育新經濟發展實施方案》等政策,都提到要加快企業上雲,喺政策助推下企業雲服務
投資建設加快,SaaS行業將迎來加速發展。
  德勤中國表示,為咗節省資金、增強靈活性名推動創新,企業紛紛上雲,估2021至25
年雲端收入增長將保持喺三成或更高。又預計雲端成本支出到2022年將達到1500億銀人
仔。

*SaaS第一股:微盟*
  
  所以咁多隻SaaS股揀邊隻好?阿臣就同大家比較下幾隻SaaS龍頭。
  金蝶(00268)一直都係軟件業龍頭,近年銳意發展雲業務,雖然股價一直反覆向上,
但其實佢SaaS業務處於過渡期,2020年度錄得虧損介乎2﹒5億至3﹒5億銀,轉型成
本影響之下,金蝶未來一兩年盈利難有突破,近期升幅似乎都係反映孖屐對佢嘅樂觀情緒。
  要數龍頭,不得不提阿里(09988),畢竟佢旗下阿里雲收入佔舊年神州雲基礎設施支
出四成,阿里雲亦喺之前宣布,未來3年將投入2000億銀人仔作研發及建設數據中心之用,
但由於佢業務側重IaaS,而收入增長計,SaaS比重較多嘅企業先係阿臣心頭好。
  如果要揀龍頭股,又要中短線內有高增長,咁最受孖屐追捧嘅微盟(02013)真係不二
之選。微盟係QQ(00700)最大SaaS嘅服務供應商,以微信為主要平台。服務行業應
用包羅萬有,零售、餐廳、酒店同旅遊等等嘅解決方案都應有盡有,其中最大金蛋就係直播電商
,特別係微信小程序開放小程序直播功能,作為微信生態鏈SaaS供應商,微盟當然直接受益
。QQ唔單止係微盟嘅第二大股東,而微盟更加係公眾號、小程序、騰訊廣告、騰訊智慧零售等
微信生態嘅頭部合作夥伴。微信生態愈趨完善,微盟長期有增長真心冇咩疑慮。
  瑞銀近日就唱好佢,認為佢喺不斷加速發展嘅SaaS行業中有領導地位,微盟2019年
錄得3﹒12億銀人仔盈利,隨著愈來愈多商家留意微信小程序,微盟增長前景更加明顯,同
QQ加強合作更加產生協同效應,預計佢SaaS銷售複合年增長率有成四成一。
  微盟除咗同QQ啱嘴型,近期開始都埋阿里堆。微盟宣布同阿里旗下支付寶達成合作,將智
慧餐飲接入支付寶小程序,同微盟有合作嘅商家將可以享受支付寶平台嘅流量紅利,提升獲客效
率。微盟SaaS業務同神州電商平台緊密相連,更加專注同QQ阿里等大客戶做生意。大摩指
,微盟計劃喺今年將大客戶收入貢獻率提高到三成,2025年目標係五成,加速同大型流量平
台合作。除咗上述兩個之外,快手(01024)、嗶哩嗶哩、豆瓣同小紅書都係佢
partner,睇嚟微盟的確係有實際有姿勢。

*微盟待調整22銀先入*
  
  當然,好嘢自然多人爭!唔講咁遠,單單舊年底到依家2月頭,微盟股價已經升咗近八成,
估值經已衝上太空。
  睇返市銷率,據彭博綜合預測,再以今日11點股價24﹒95銀計算,微盟2020年預
測市銷率約21倍,2021年預測市銷率約14倍,同行金蝶2020年預測市銷率約30倍
,2021年預測市銷率約26倍,可見微盟營收按年增長速度較同行理想,投資價值都愈來愈
大。
  微盟近期高位整固之後有機會開始新一輸升浪,等佢去返廿銀似乎唔實際,調整至22銀左
右買第一注,短線目標先上望28銀,耐心持有或者年尾上到44銀破千億市值都有機。
  另外,個市咁旺避險情緒低落,阿臣決定換馬,喺星期一(1日)朝早以1350銀沽出咗
一手SPDR金ETF,套現13500銀,大約淨賺2500銀,然後同日以13﹒5銀入咗
一手1000股世茂服務(00873),一來一回個倉仍然得返三千幾蚊現金。
   
  表列截至2月3日上午11時阿臣投資組合表現:
 
  股份         股數  平均買入價(元)   現價(元)  總值(元)
  --------------------------------------
  港股:   
  平安好醫生    200股    52﹒90    106﹒30 21260 
  港交所      100股   264﹒50    522﹒50 52250 
  寶尊電商     100股    82﹒90    101﹒10 10100 
  九龍倉置業   2000股    32﹒00     40﹒70 81400
  京東集團      50股   306﹒00    375﹒40 18770
  中金公司    2000股    18﹒22     20﹒90 41800 
  福萊特玻璃   1000股    32﹒60     33﹒90 33900
  世茂服務    1000股    13﹒50     14﹒16 14160
  -------------------------------------- 
  股票市值    : 273640元 
  剩餘現金    :   3264元 
  組合淨值    : 276904元 
  組合本月收益表現:  +3﹒1%(截至上月底止組合淨值:268594元)
  組合累計收益表現:+163﹒8%(本金105000元計)(2016年8月開倉)

  *數據截至2月3日上午11時正

全新etnet健康網購,送你【健骨維他命D3(1000IU)】乙樽(價值$108)► 立即行動!

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力