按盤價 
《財經人語》銅鑼灣大地主希慎（０００１４）打造多年嘅「希慎廣場」下個月就開幕喇除
咗一早會有台灣過江龍書店「誠品」進駐，今日又收風話蘋果會喺新商場「落地」，間
Ａｐｐｌｅ Ｓｔｏｒｅ會係香港第一間街舖，香港人咁鍾意試新嘢，睇怕到時一眾潮人會蜂擁
而至。
新商場雖然有成１７層咁高，但原來除咗餐廳之外，裡面係冇乜公共櫈仔畀人坐嘅，行得攰
想坐下，就請移玉步去商場特點之一嘅空中花園喇！叫得做花園，似乎唔會有冷氣，三十幾度大
熱天時，相信潮人們寧願行街歎冷氣啦！不過咁，據聞個空中花園好應風，去吸啖新鮮空氣都唔
錯吖！
仲有，所謂「民以食為天」，香港人為咗食，都唔介意排隊等枱。所以希慎為咗唔駛潮人等
得咁苦，就設計咗個中央訂枱服務，食客揀啱心水餐廳拎左號碼之後，每層樓都會有個電子牌顯
示叫到第幾張枱，可以放心行街街，唔怕ｍｉｓｓ咗，又唔駛拎「飛仔」等叫「冧巴」咁慘，抵
讚！（ｐｃ）
全新節目《說說心理話》青少年不可以戀愛！？真實個案講述驚心動魄經歷► 即睇
