極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
01038 長江基建集團
即時 按盤價 不變45.800 0.000 (0.000%)
相關新聞

15/09/2017 17:43

《小傳日記》肥仔搞搞震,魚缸無地震!炒股唔炒市,內房續興奮!

  《小傳日記》肥仔金又搞搞震,今朝大家仲喺夢鄉嘅時候又再發射導彈,支導彈仲飛越東瀛
領空,真係嚇到小傳個心離一離。肥仔金搞一搞,消息話南韓即刻發射導彈回應,希望佢哋兩國
刀光劍影只係虛招,世界仍然可以維持和平。
  魚缸方面,由於被肥仔金嚇一嚇,今朝低開40點報27736點之後,跌幅就擴大到最多
263點低見27514點,穿十天(27769點)同廿天線(27716點),好彩之後神
州磚頭、股王QQ(00700)發力托住。中午收前恆指已經倒升,全日最高見27893點
,埋單就升30點或0﹒11巴仙,報27807點。由於今日新華富時指數執位,主板成交達
到1172億銀,比噚日多21巴仙。成個星期計,恆指就有近1巴仙或139點進帳。
  國貨方面,今日唔見33點或0﹒3%,報11067點,A場就無咗17點或0﹒53%
,報3353點。
 
*富指執執位成交急急增,地緣甚緊張金股卻興奮*
 
  花旗10月期油一度升破50美金,飛起逾1巴仙,報49﹒89美金,見個半月以來最高
收報價。有見及此,賣油佬唱歌跳晒舞,中石化(00386)同昆能(00135)分別靠穩
報5﹒95銀同7﹒44銀。而因為事故而關閉咗陸豐油田嘅中海油(00883),就仍然有
近3巴仙進帳,報9﹒49銀。
  正因為金仔嘅舉動,缸友都將錢投放喺黃金。金價從兩周低位反彈,推動一眾金股向上爬。
招金(01818)踢起近1巴仙,報6﹒84銀。中國黃金國際(02099)就靠穩報
14﹒18銀。恆興(02303)有逾1巴仙落袋,報6﹒36銀。
  
*內房在鬥強融創甚誇張,瑞信升他屐恆地立即上*
 
  神州磚頭就真係好強,喺魚缸今日仲係好淡爭持之際,就強勢往上進攻。恆大
(03333)、融創(01918)同萬科(02202),分別爆上近4巴仙、逾12巴仙
同近3巴仙,報26﹒75銀、33﹒5銀、28﹒4銀。碧桂園(02007)亦衝前逾6巴
仙,報13﹒56銀。而打算分拆雅生活上市嘅雅居樂(03383),亦有近3巴仙落袋,報
11﹒8銀,神州磚頭真係勁!
  本地磚頭方面,最佳藍戰士恆地(00012)被瑞信升他屐同評級,表現都好強,衝上近
3巴仙,報54﹒15銀。新地(00016)全年賺418億銀升28巴仙,大和亦升佢他屐
,股價就微微腳軟報135﹒1銀。
 
*壽仔收入增街坊陪整固,中移見大手缸邊在歡呼*
 
  今日魚缸狀態麻麻地,即使國壽(02628)公布話自己頭八個月保費收入升咗18巴仙
,都要被拖低。野村出咗報告話預計內險公司嘅新業務價值(NBV)增長會放慢,國壽就輕輕
跣低唔夠1巴仙,報23﹒75銀。街坊新華(01336)跌低逾1巴仙,報45﹒75銀;
太保(02601)唔見近2巴仙,報33﹒85銀;財險(02328)表現唔算太弱,靠穩
報13﹒78銀。
  有傳長建(01038)考慮向英國能源公司Cory Riverside,飛起近1巴
仙,報69﹒4銀。其他長和系股份各走各,長和(00001)微升報100﹒7銀;電能
(00006)就瞓低近1巴仙,報67﹒35銀;和記(00215)腳軟近1巴仙,報
2﹒84銀。
  祖國移動(00941)喺佔大部份時間嘅逆市當中都算企得穩,今朝開跑前錄得1﹒6億
銀市前交易,最終跳起近1巴仙,報81﹒5銀。
 
*阿爺在祝福木薯升得速,西王被掟貨雲裳衣反覆*
 
  雖然神州磚頭係咁升,但都有D魚毛攞晒彩,幾乎由頭帶到落尾,木薯資源(00841)
搶先出閘,皆因神州呢幾日出嚟sell乙醇汽油,而木薯片作為原材料,缸友收到風即刻大手
掃貨,三日加埋爆升93巴仙,今日埋單就升咗超過12巴仙,報0﹒82銀。華聯國際
(00969)都有搞乙醇業務,雖上半年呢項業務零收入,但缸友一於少理照炒,同樣爆升超
過12巴仙,報0﹒209銀。
  天工國際(00826)控股股東個仔話要溢價近13巴仙買起公司,今日復賽埋單就升咗
超過11巴仙,報0﹒89銀。創板魚毛雲裳衣(08127)升呢去主板,今日最多升咗兩毫
子,即最多升咗35巴仙,高見0﹒77銀,但埋單得返近9巴仙升幅,報0﹒62銀。西王特
鋼(01266)配股抽水近億半,缸友收到風掟貨走人,全日插咗近16巴仙,報1﹒56銀
。假期愉快,請請!
 
  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新節目《說說心理話》原生家庭對成長有咩影響?改善溝通有計可施?► 即睇

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力