《小傳日記》「夢之隊」新時代，魚缸升勢重來

　　《小傳日記》花旗巨企業績夠晒省鏡，缸友梗係趁機會炒經濟復甦，道指成功再創新高，急
升１６７點收２３４４１點。勁！
　　香江缸友呢排就忙住睇實「十九大」。一中全會今日在北京舉行，選出新一屆中央權力核心
。習近平繼續擔任中共總書記，李克強留任常委，新一屆政治局常委還包括栗戰書、汪洋、王滬
寧、趙樂際、韓正。《人民日報》就形容，呢個係帶領億萬人民走向民族復興中國夢的新時代「
夢之隊」。
　　大行們都忙於做解讀，普遍都繼續睇好Ａ場，皆因有新投資機遇，環保、一帶一路、國企改
革等都係焦點！至於香江市，恆指今日（２５日）高開８３點後，基本上都喺廿天線
（約２８２４０）水平上上落落，全日埋單收漲１４７點報２８３０２，國指就踢高８７點報
１１４９３，全日成交約７７８億銀左右。
　　股王ＱＱ（００７００）、部分中字輩金融佬都有返Ｄ力，睇來只等多Ｄ重大好消息，恆指
升去三萬點都不是夢呀！
　
＊閱文明招股每手五條一，高盛升目標復星認真得＊
　
　　股王ＱＱ表現回勇，中金估佢手遊增長會延續到第三季，將目標價升到４０６蚊，最終跳番
前逾１巴仙，報３５２銀，收復返十天線（３５０﹒８２銀）。由ＱＱ分拆出嚟嘅閱文
（００７７２）聽日起招股，１１月８號上市，入場費１１１１１元。小傳同小傳嫂都會分別落
注博一博呀！
　　有「上海和黃」之稱嘅復星（００６５６）獲高盛大升目標價五成至２４銀！難怪佢飛起近
９巴仙，報１９﹒９２銀。
　　華能（００９０２）頭三季少賺７４巴仙，但獲花旗指佢核心盈利略為好過市場預期，最終
跑前近４巴仙，報５﹒１５銀，係今日最叻國貨佬。
　　海航集團一帶一路併購獲官媒高度肯定，阿仔海航實業（００５２１）隨即炒起近２６巴仙
，報０﹒５１銀。
　
＊有個叻媽媽５２１風騷，車仔返來了今天略收高＊
　
　　神州有傳喺２０１８年計劃會削減新能源汽車補貼２０個巴仙；而摩通就話比亞迪
（０１２１１）近排跌咗唔少提供咗增持嘅機會，又重申佢喺核心私家車嘅業務上邊已經收復咗
失地嘅看法。比亞迪今朝開市狀態大勇，最後亦有逾１巴仙落袋，報７１﹒３銀；街坊吉利
（００１７５）表現都唔輸蝕，全日升咗逾２巴仙，報２５﹒７銀；長汽（０２３３３）就喺明
日放榜，全日亦跳起近１巴仙，報１０﹒５８銀；廣汽（０２２３８）今朝好勁，仲喺高位
２１﹒４銀破埋頂添，全日收升咗不足１巴仙，報２０﹒４５銀。　
　　萬洲國際（００２８８）據聞會同京東成為合作Ｐａｒｔｎｅｒ，仲話會開展針對性營銷活
動咁話喎，結果升咗逾３巴仙，報７﹒８１銀，實在可喜可賀丫！
　
＊遇上好拍檔萬洲認真爽，港房紛回吐內房氣勢壯＊
　
　　雖然阿爺檢查全國商品房銷售價格行為，但內地磚頭今日表現不俗，當中聽日（２６日）放
榜嘅萬科（０２２０２）衝前逾３巴仙，報２８﹒３銀；藍戰士中海外（００６８８）同埋潤地
（０１１０９）分別有逾２巴仙同唔夠半個巴仙進帳，各報２６﹒１５銀同２４﹒２５銀。
　　本地磚就無咁硬淨啦，有探子話長實（０１１１３）無授權拆售中環中心，結果今日後退近
１巴仙，報６４﹒１銀；恆隆地產（００１０１）亦趴低近１巴仙，報１８﹒３８銀。資本策略
（００４９７）同永泰地產（００３６９）夾份投得市建局卑利街發展項目，前者行前近３巴仙
，後者亦有唔夠半個巴仙進帳。
　
＊向母售資產中化撻得傷，藥明與環醫缸邊齊齊漲＊
　
　　華夏健康（０１１４３）股價好波動，佢之前配股，以用作收購聚氨酯避孕套業務提供銀兩
銀咁話喎，試過喺近年半高位０﹒４９銀插旗，最後全日就升咗近１１巴仙，報０﹒４５５銀。
　　半新丁藥明生物（０２２６９）今日都相當醒神，喺４９﹒２５銀插旗，仲創埋上市新高添
，全日仲飛起逾１３巴仙，報４８﹒３銀，相當厲害！　
　　環球醫療（０２６６６）之前畀廣發証券唱好，首予「買入」評級，「他屐」就畀８﹒６銀
，結果佢全日都升咗近１１巴仙，報７﹒８８銀。
　　中化化肥（００２９７）擬向阿媽出售深Ａ股青海鹽湖（深：０００７９２）嘅股權，涉及
近８１億人仔，結果最後冇咗近１１巴仙，報１﹒４７銀。請請！
　
　　《編者按》本欄搜羅即日熱門傳聞，惟消息未經證實，《經濟通》亦不保證內容之準確性
　　　　　　　本文只供參考之用，並不構成要約、招攬或邀請、誘使、任何不論種類或形式
　　　　　　　之申述或訂立任何建議及推薦，讀者務請運用個人獨立思考能力自行作出投資
　　　　　　　決定，如因相關建議招致損失，概與《經濟通》、編者及作者無涉。