極速報價  |  詳細報價  |  互動圖表  |  圖表  |  成交  |  新聞  |  評論  |  相關證券  |  公司資料  |  派息  |  沽空
00914 海螺水泥
即時 按盤價 升48.300 +0.250 (+0.520%)
相關新聞

31/05/2019 17:10

《小傳日記》本地磚頭突捱沽,魚缸升勢已盡枯!

  《小傳日記》持續超過一年嘅貿易談判,「孖屐」寄望就嚟達成協議之際竟然臨門「撻Q」
,事關侵侵(特朗普)一篇推特貼文再度令美中貿易戰硝煙四起,環球魚缸喺今個月以嚟都風聲
鶴淚,資金紛紛湧向債市同匯市避險,花旗國十年期債息更創咗廿年新低,更低過三個月債息,
出現債息倒掛。神州今朝公布嘅製造業PMI跌至49﹒4,差過「孖屐」預期嘅49﹒9,
惹嚟環球經濟衰退嘅恐慌。
  「孖屐」四面楚歌,香江魚缸今朝繼續腳軟,低開111點,其後一度迴光返照,最多反彈
40點,高見27155點,但隨住本地磚頭全線插水,加上重磅股又冇咩運行,魚缸喺下晝最
多蒸發264點兼穿埋二萬七關,低見26850點,再創超過四個月新低,全日埋單唔見咗
213點或近一巴仙,報26901點,兼且仲要連跌三日,加埋蒸發咗489點。主板成交
842億銀,較噚日多咗超過一成。
  國貨收報10387,跌62點,幅度逾半個巴仙。
  A場嗰邊冇跌得咁多,上證收報2905,跌7點或近半巴仙。深成指唔見咗20點或近半
巴仙,報8922。兩市成交4375億人仔,較上日少咗近4巴仙。
  除咗QQ(00700)之外,其他重磅大佬繼續沉底,QQ逆市彈半巴仙,報326蚊。
大象(00005)同生發發(00388)跣低近1巴仙,報64﹒05銀同249﹒4銀。
AIA(01299)唔見咗近兩巴仙,報73﹒65銀,三日加埋已經蒸發咗半成,慘!神州
移動(00941)跌超過兩巴仙兼以全日最低位埋單,報68﹒45銀,創超過九個月低,兼
係跌幅最大國貨佬!

*本地磚頭佬連續兩日倒,神州磚頭佬缸友卻當寶*
  
  聯儲局近排鴿味濃,但一眾本地磚頭佬就係咁跌,連續兩日成為魚缸收跌嘅罪臣。四隻本地
磚頭佬包辦晒表現最差藍戰士!其中今日就以九置(01997)表現最差,挫半成報
53﹒55元,係表現最差藍戰士;阿媽會德豐(00020)亦跌近2巴仙,報51﹒9元。
新地(00016)急跌逾4巴仙,報124﹒1銀,係第二差藍戰士。噚日除完淨嘅恆地
(00012)都繼續捱沽,全日唔見近4巴仙,報40﹒5銀。新世界(00017)跟跌逾
2巴仙,報11﹒56元。長和(00001)有人增持而今日漲逾1巴仙報74﹒05銀。不
過,同系嘅長實(01113)就唔好彩囉,今日走低逾1巴仙,報56﹒7元。嘉里建設
(00683)蒸發超過半成,報29﹒75銀。
  隔一條河嘅神州磚頭佬今日就表現相對醒神,特別係兩、三線嘅神州磚頭佬!其中世房
(00813)急升2巴仙,報22﹒45銀。融創(01918)再升逾1巴仙,報33﹒8
銀。旭輝(00884)升近2巴仙,報4﹒69銀。大隻啲嘅就以四條三恆大(03333)
表現最好升1巴仙,報20﹒85銀。潤地(01109)就唔見1巴仙報31﹒9銀。萬科
(02202)都跌近半巴仙報27﹒75銀。

*特斯拉出價吉利無有怕,花旗國徵稅敏實被嚇退*

  神州車佬一直都擔驚受怕,因為驚過江龍打殘本土企業,今日國產特斯拉Model 3出
價,賣成33萬人仔,而神州電動車生產商小鵬汽車嘅董事長何小鵬即時出嚟好有自信咁話,呢
部車賣得太貴毫無競爭力,遲D小鵬P7款車型推出之後肯定同佢有得Fight……唔知係咪
因為小鵬嘅一番話,國產車佬似乎無有怕,吉利(00175)都仲升咗近半巴仙,收報
12﹒86銀。比亞迪(01211)就直中要害,挫近2巴仙,收報45﹒9銀。華晨
(01114)逆市造好,今日飛近2巴仙,報7﹒98銀。廣汽(02238)挫逾1巴仙,
收報7﹒56銀。長汽(02333)表現微漲,升近1巴仙,報5﹒7銀。北汽
(01958)就最勁揪,勁彈超過4巴仙,報4﹒85銀。
  侵侵(特朗普)又再開挑機模式,呢次針對就係墨西哥,包括向墨西哥貨品徵5巴仙關稅。
而係墨西哥設有工廠嘅敏實(00425)同耐世特(01316)就嚇到縮,前者跪低近5巴
仙,收報22﹒7銀;後者跣低近6巴仙,報9﹒6銀。德昌電機(00179)同樣跟跌近2
巴仙,報14﹒9銀。興達國際(01899)反而逆市造好,收漲近4巴仙,報2﹒1銀。

*大馬撐帶路基建升勢冒,煤價漸受控火電佬讚頌*
 
  唔知係咪因為大馬總理馬哈蒂爾轉軚支持一帶一路嘅關係,基建股連續兩日由低位反彈,中
鐵(00390)飆逾2巴仙,報5﹒86銀,重上廿天線(約5﹒853銀)。中鐵建
(01186)漲2巴仙,報9﹒17銀。中交建(01800)相比走勢無咁靚仔,但都有得
跟升近1巴仙,報6﹒97銀。中冶(01618)亦踢高逾1巴仙,報2﹒09銀。
  水泥股亦造好,亞洲水泥(00743)今日破頂,報10﹒54銀,揚逾4巴仙。西部水
泥(02233)走高近4巴仙,報1﹒07銀。潤泥(01313)無升跌,報6﹒8銀。海
螺水泥(00914)腳軟,滑近1巴仙,報45﹒8銀。
  神州中煤協會早兩日呼籲增加產煤,加上六大發電集團據報同政府反映,要求解除依家四大
礦捆綁銷售政策,令煤價下降番,而發改委亦有提出相關降價方案,刺激火電股逆市都有資金湧
入。其中華能國電(00902)飆近3巴仙,報4﹒94銀,仲係今日表現最好嘅國貨佬添。
大唐發電(00991)踢高逾2巴仙,報1﹒96銀。潤電(00836)升近巴仙,報
11﹒42銀。神州電力(02380)漲1巴仙,報2﹒03銀。假期愉快,請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

etnet財經‧生活App   財智‧健康‧品味生活     【立即下載】  iOS版 / Android版
備註: 即時報價更新時間為 12/11/2019 17:59
  港股即時基本市場行情由香港交易所提供; 香港交易所指定免費發放即時基本市場行情的網站
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱