按盤價 
《開市Ｇｏｏｄ Ｍｏｒｎｉｎｇ》美國封殺華為嘅事件繼續發酵，拖累一眾科網股今日繼
續跳水，恆指就急跌３００幾點收市，失守２８０００嘅整數關口，報２７９４６，亦都跌穿１
００天線（約２８１９７點）同埋２５０天線（約２７９７４點）。其中，２５０天線，亦即係
俗稱嘅牛熊分界線，係近三個月以嚟第一次失守。如果嚟緊幾日都未收復返，後市嘅跌勢係咪不
容忽視？岩岩呢輪升浪係由去年十月底開始嘅，由果陣嘅２４５４０，至到４月中上過嘅３０２
８０，累計升左約５７００點，而家叫做由高位回落返２０００幾點，最淡洗唔洗去返升浪嘅起
步位，２４０００幾點嘅位置？
大市受壓，避險資產又有追捧。不過，又唔係隻隻都有得升喎。當中，置富產業信託（００
７７８）走高近２巴仙，報１０﹒６８銀，再創收市新高。反觀領展（００８２３），就繼續回
吐近２巴仙，報９４﹒８５銀。領展近日個走勢似乎向返保歷加通道中軸行，而唔係沿住通道頂
部上升。短期回落返去中軸機會大唔大？投資者可唔可以係呢個位入到貨？而家貿易談判都仲未
明朗，如果短期內都未解決到，會唔會影響到佢地旗下物業嘅租金收入？
另外，被視為公用股嘅鐵塔（００７８８）過去兩日都要回吐，唔知係咪受到華為事件影響
喇！其實佢嘅業務都係喺內地，照道理就唔太受牽連。近日股價回吐，市盈率都低返啲，有無製
造返個吸納機會？
下星期一（１８日）「開市Ｇｏｏｄ Ｍｏｒｎｉｎｇ」，請嚟永豐金融資產管理董事總經
理涂國彬，同大家分析上述股份同埋大市走勢，請大家萬勿錯過！
記住聽日８：５５ａｍ，準時ｃｌｉｃｋ入ｗｗｗ﹒ｅｔｎｅｔ﹒ｃｏｍ﹒ｈｋ或
ｈｔｔｐ：╱╱ｆｂ﹒ｍｅ╱ｅｔｎｅｔ﹒ｃｏｍ﹒ｈｋ，昅實《經濟通》ＮｅｗｓＴＶ全新直
播節目－－開市Ｇｏｏｄ Ｍｏｒｎｉｎｇ喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
