極速報價  |  詳細報價  |  互動圖表  |  圖表  |  成交  |  新聞  |  評論  |  相關證券  |  公司資料  |  派息  |  沽空
00288 萬洲國際
即時 按盤價 升7.940 +0.050 (+0.634%)
相關新聞

29/09/2017 18:19

《小傳日記》魚缸假前高高收,眾安在「震」好醜醜!

  《小傳日記》國慶、中秋黃金周兩大假期前,A場將會由10月1號至8號停賽,而香江魚
缸就喺2號同5號休息兩日。至於缸友好關注嘅「北水」,即係港股通就喺噚日(28日)起已
經暫停,要等到下個月9號先開通。
  無「北水」滋潤下,香江魚缸今朝(29日)都有D悶悶不樂,恆指高開70點後就無咩變
動,不過尾市QQ(00700)、同中資金融佬都有番D力,大市抽升番132點完場,收報
27554,不過就仲未上唔番廿天線(約27783);國指就踢高35點報10910。魚
缸悶咗成日,尾市先熱鬧番D,成交都唔會多得去邊,埋單約有734億銀咋。
  不過悶還悶,有「三馬」撐腰,超購近400倍嘅眾安在綫(06060)掛牌第二日,繼
續成為缸友焦點。只可惜,眾安今日仲係唔爭氣,由開場跌到完場,最低仲試過63銀新低,唔
計手續費,得番300蚊左右袋落,就算收市都只得63﹒45銀,說好嘅「三馬」概念呢…。
但小傳收到風,今晚眾安同一班財演將會喺中環有個飯局,睇嚟大力睇好上望70蚊嘅財演們,
都唔會錯過呢個機會問一問管理層,「眾安在綫」變成「眾安在震」,搞到「眾人不安」,究竟
有咩睇法呢?!
 
*眾安甚不安在綫變在震,低見六十三高追太氣憤*
 
  眾安在綫上市翌日腳仔軟軟,其他內險佬就向左走向右走,平保(02318)噚日瞓低近
3巴仙之後,今日行番前1巴仙,收報59﹒95銀;壽仔(02628)就打個和無升跌,報
23﹒25銀。噚日受重傷唔見4巴仙嘅國貨佬新保(01336)仲未止血,今日再唔見近
1巴仙,報44﹒15銀。
  眾安令人失望,但內房喺長假期前落鑊,似乎唔記得加強調控囉!融創中國(01918)
踢高近6巴仙,報35﹒75銀;有股王QQ做股東嘅華南城(01668)更加跳起近13巴
仙,報2﹒23銀,高見2﹒2銀創超過兩年高位添!
 
*內房紛踢高忘記了調控?大摩來祝福牛牛收穫豐*
 
  藍戰士方面,蒙牛(02319)今日相當省鏡,佢喺月中獲大摩將評級由「中性」升至
「跑贏大市」,「他屐」就由14﹒6銀升至24銀,埋單都有近5巴仙進帳,收報21﹒85
銀,係全日第二好嘅藍戰士。除咗蒙牛之外,昆侖能源(00135)今日都踩行油,中金維持
「持有」評級,「他屐」就由8銀升至8﹒5銀,同時仲大嗱嗱逾15億人仔收購阿媽中石油
(00857)嘅資產,結果全日吹起逾5巴仙,報7﹒63銀,係全日最靚仔嘅藍戰士。
  萬洲國際(00288)早排有建銀國際維持「優於大市」評級,「他屐」就喺10﹒1銀
不變,結果全日亦行前近4巴仙,埋單8﹒3銀,真係恭喜晒! 
 
*昆侖獲注資粉絲喜孜孜,5G有錢途概念高一線*
 
  5G概念電訊佬今日繼續落鑊,中興通訊(00763)早排就通過祖國移動嘅5G承載
SPN設備測試,全日衝前近4巴仙,報25﹒55銀;街坊京信通信(02342)亦都飛起
逾7巴仙,盤中高見1﹒52銀,創半年新高,全日收報1﹒49銀;長飛光纖光纜
(06869)都開埋香檳慶祝呀,結果全日行前近2巴仙,報29﹒8銀。
  「孖屐」憧憬同胞們會趁住超級黃金周,去馬交玩返兩手,賭仔銀娛(00027)今日表
現幾醒神,全日有逾1巴仙落袋,收報55銀;街坊金沙(01928)都唔輸蝕,全日亦應聲
彈高近1巴仙,報40﹒65銀,勁!
 
*股仔禾雀飛你升我又升,順客隆復賽奈何唔多醒*
 
  中國公共採購(01094)今日坐火箭,飆高125巴仙,收報0﹒239銀,係今日最
勁魚仔,原來呢隻主板股份今日炒起之前市值只有1﹒4億,主板「殼價」閒閒地都起碼7億以
上,唔通係因為咁所以落鑊?
  早前被聯交所列入除牌程序第一階段嘅亞洲煤業(00835),之前話想發股收購內房開
發商之後升唔停,連升兩日累漲62巴仙之後,今日又飛起19巴仙,報0﹒056銀。
  嘉域(00186)折讓75巴仙易手控股權,復牌之後表現好反覆,完場時踢高4巴仙報
0﹒75銀。中國順客隆(00974)都復賽,控股股東賣完股之後公眾持股量恢復,但結果
趴低超過一成,報3﹒6銀。長假期愉快!請請!
 
  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

【睡覺的學問】你是左側臥?右側臥?

備註: 即時報價更新時間為 18/10/2017 17:59
  港股即時基本市場行情由香港交易所提供; 香港交易所指定免費發放即時基本市場行情的網站
產品簡介

【得獎名單】【DIVA Channel】賞L'Oréal Paris 青春密碼酵素眼部精華液

【DIVA Channel x 素食女廚師Peggy】專訪 睇片快答 賞Glycel眼部按摩器

【DIVA Channel】賞睇《風河谷謀殺案》