極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
00291 華潤啤酒
即時 按盤價 升36.050 +0.750 (+2.125%)
相關新聞

04/03/2015 17:47

《小傳日記》淡友攻陷廿天線,大市轉弱準備閃?!

  《小傳日記》今次缸友真係跌晒眼鏡,一心諗住趁「兩會」效應可以賺番轉快錢,點知暫時
只係見阿爺不停強調要打貪,都無乜提到有咩國策出台;雖然A場勉強收升0﹒5巴仙,但係好
明顯無力抽高,缸友都唔敢輕舉妄動。
  香江呢邊更加係弱過「藥煲」,噚日(3日)已經跌穿咗十天線,個勢都有D轉弱,點知今
日(4日)仲率先散水,唔單止成班中資股繼續向下碌,就連香江地主佬都跌埋一份;當中新地
(00016)仲一度唔見2巴仙穿120關。恆指最終埋單唔見237點收24465或近1
巴仙,失守廿天線(約24682);國貨又跌到焦頭爛額,插低206點或近2巴仙,收
11738。全日主板成交780億左右。
  睇番香江魚缸公仔圖,連續出現四支陰燭,仲要每日都有大成交配合,而且已經逐步跌近保
歷加通道底部,形勢有D危喎!

*兩會乏驚喜打貪不手鬆,零售碌呀碌儼如入嚴冬*

  唔單止個市危,香江零售孖屐都恐怕步入寒冬。噚日收市後統計處公布1月零售數據,銷售
跌咗近一成半,總銷貨價值的臨時估計得466億銀,差過預期好多,個數係自2003年「沙
氏」以嚟最差。分類睇,珠寶首飾同鐘表等奢侈品銷貨價值按年跌超過兩成,做開祖國「大媽」
生意嘅周生生(00116)首當其衝踢低近4巴仙,而周大福(01929)同六福集團
(00590)跌幅大約1至2巴仙。而表行表現都麻麻哋,東方表行(00398)挫逾3巴
仙,亨得利(03389)就跣低多過1巴仙。
  雖然藥物及化妝品銷貨價值按年淨係微跌0﹒1巴仙,但化妝品股都要捱沽,莎莎
(00178)同卓悅(00653)分別跌近4巴仙同超過1巴仙。
  缸友要留意番今年同上年農曆新年時間有啲出入,對數據會有啲影響。但嚟緊會調整自由行
政策,零售股可能仲要有排捱價,缸友走得就好走啦。

*強者愈顯強友邦好架勢,華創發盈警表現認真曳*

  連日嚟都強勢嘅友邦(01299)今日繼續飛升!股價一度高見49﹒65銀破晒頂,簡
直神奇!以而家個勢嚟睇,友邦再升嘅機會都唔係冇㗎!之不過,14天RSI已經去到82左
右,以藍戰士嚟講,達到好超買嘅水平,缸友小心後市可能有回落嘅可能,總之都係保險啲好!
  至於發盈警嘅華創(00291),畀Tesco拖累,搞到盤數要見紅,結果今日就插低
5巴仙報15﹒6銀,穿咗十天、廿天、五十天線,做咗最弱嘅藍戰士。咁啱得咁橋,同系嘅潤
地(01109)緊隨其後,尾市嗰陣無端端畀質低4巴仙收19﹒84銀,慘。睇番街坊表現
,好似中海外(00688)、世房(00813)都只係跟市跌1巴仙左右,無咩大震盪。
  
*瑞銀薦平保可惜彈唔到,阿爺來錫錫藥業好好好*

  雖然A場最終都叫做升番,但內險股今日表現都係唔多靚。平保(02318)獲瑞銀升目
標價,指公司「單一品牌、多種產品」策略好掂,目標價升到107﹒5銀,但今日隻股碌低2
巴仙。鄰居國壽(02628)亦跌逾2巴仙;太保(02601)就更加唔見近4巴仙。其實
,內險普遍跟A場已經回咗兩日,但缸邊莫財,都係睇定D至撈貨安全D!
  今日一班賣藥佬偷偷報捷,皆因神州公立醫院採購又有新規例。阿爺指出,將公立醫院用藥
全部放喺省級集中採購平台採購,對公立醫院藥品實行分類採購,唔單止有招標採購,仲有談判
採購、直接採購、定點生產等辦法,合理降低藥價,擠出虛高水分,保障藥品供應。缸友由於憧
憬呀爺有更多嘅政策出台,賣藥佬好似食咗興奮劑,四環(00460)、上海醫藥
(02607)同石藥(01093)就齊齊踢高4至5巴仙。街坊中國中藥(00570)同
新銳醫藥(08180)都發盈喜,股價各踢高3及9巴仙添!

*漢能見異動價漲成交激,渣打慳成本倫敦先炒高*

  仲有爆升焦點股漢能(00566),簡直強勢到不得了,缸友都為之嘩言。喺今日弱市之
下,竟然能夠姒24﹒5億銀超大成交,炒高近22巴仙收6﹒4銀,再創上市新高,係全日第
二多成交股份。唔單止咁,原來不知不覺間,漢能市值已經一度觸及2680億銀左右,大隻過
恆地(00012)、生發發(00388)等多位藍戰士啦!漢能高高高,仲帶挈埋平時冇咩
睇頭嘅君陽太陽能(00397)逾八千幾萬成交,兼飆升近25巴仙添。
  最後,要向缸友匯報埋收市後放榜嘅渣打(02888),全年稅前盈利跌30巴仙至逾
42億美金,差過預期,貸款減值仲增加32巴仙,公司唯有出計慳成本,決定減今年花紅9巴
仙,又重整業務賣咗15個項目,希望三年慳番18億美金。可能缸友見公司咁有誠意改過,都
入貨以示支持,渣打喺米字旗嗰邊已經一度衝高6巴仙至1032便士,勁!請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式之
       申述或訂立任何建議及推薦,讀者務請運用個人獨立思考能力自行作出投資決定
       ,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力