極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
00388 香港交易所
即時 按盤價 跌227.800 -1.000 (-0.437%)
相關新聞

23/02/2018 17:32

《小傳日記》內銀內房拍住上,好友反擊打勝仗!

  《小傳日記》A場噚日(22日)放完悠長新年假復市,追落後紅盤高收,但都幫唔到香江
魚缸噚日收低嘅命運。好彩,道指噚晚受惠加息憂慮紓緩,收市跳高164點收報24962點
,帶動香江魚缸今朝(23日)都反彈323點高開報31289,而祖國內銀佬終於有番D力
氣,當中民行(01988)衝高近4巴仙收8﹒6銀,勇奪最佳國指佬,招行(03968)
就有逾3巴仙進帳收34﹒75銀;祖國磚頭佬都發威,齊齊撐住大市,結果恆指收漲301點
報31267,國指就有206點升幅落袋,收報12735。
  不過,要留意一點,呢排魚缸走勢都未係好穩,表面睇落升得起,都其實成交唔算配合,今
日都只得1033億銀左右,好友都唔好掉以輕心,小心淡友趁機突襲呀!
 
*QQ續闖關大行畀個讚,玖紙將放榜升得十分爽*
 
  股王QQ(00700)噚日好淡爭持得相當激烈,全日北水買賣成交額高見約22億銀,
但淡友就贏個馬鼻,全日其實錄得淨沽出共1824萬。好彩,QQ今日有麥格理送祝福,維持
「跑贏大市」評級,消息刺激股價造好,全日仲開心跳高約2巴仙,報453﹒4銀。不過要留
意,其實麥格理繼續睇450銀目標,低過QQ現價架。
  東亞(00023)噚日放榜,全年多賺1﹒5倍,純利達93億銀,好過孖屐預期,不過
受大市限制升唔起!今日佢就隨市彈高,雖然大細摩同樣叫「拋貨」,但無阻佢跟市行前,收市
都跳高約2巴仙,報34﹒35銀,真係恭喜晒!
  玖紙(02689)下個禮拜一(26日)放榜,而佢之前曾發盈喜,受惠佢產品售價增加
,同埋利潤率都唔錯,因此預料半年純利較同期增長最少九成!缸友偷步入市,埋單時炒高約
7巴仙,報12﹒68銀,唔知後市挑唔挑戰到月內高位13﹒34蚊呢?
 
*修例招新丁生發發炒起,鈷概念未停新鑫也跟升*
 
  生發發(00388)收市後公布「新興及創新產業公司上市制度」諮詢文件,建議喺主板
規則增加三個章節,分別落實生物科技、同股不同權,同埋新設便利第二上市渠道嘅建議,諮詢
期雖然只得1個月,缸友都好應該踴躍畀意見。若落實新規制度,即係會有更多新丁掛牌,憧憬
生發發生意愈做愈大,早前摩通就已經升他屐至300銀,今日股價再飆前2巴仙,報
285﹒8銀,唔知狗年生發發運數係咪真係咁強勁呢?
  全因為孖屐傳出,蘋果想直接向礦企購買電池材料鈷,消息持續發酵,唔少鈷概念股都先後
炒起上嚟,新疆新鑫礦業(03833)乘勢落鑊,飛上19巴仙,報1﹒34銀。噚日(22
日)炒起過嘅洛鉬(03993),今日一度彈起逾3巴仙,最終亦有1巴仙落袋,報6﹒42
銀。金川國際(02362)乘機衝前逾1巴仙,報1﹒71銀。
 
*安邦遭接管吳總被起訴,萬科照樣升街坊亦得勝*
 
  安邦保險集團原董事長、總經理吳小暉,涉嫌經濟犯罪,所以就被提起公訴,安邦仲畀中保
監接管添。雖然係咁,好彩香江相關魚毛無受大影響,算係不幸中嘅大幸囉!其中,萬科
(02202)埋單時仍剷高約2巴仙,報36﹒6銀。同時,佢仲畀野村升佢「他屐」添,由
32﹒5元至44﹒7元,評級就畀「掃貨」。
  其他內房佬今日都好靚仔,碧桂園(02007)全日升約6巴仙,報15﹒04銀,仲係
全日表現最好嘅藍戰士,勁!華潤置地(01109)都升逾2巴仙,報29﹒85銀,盤中一
度高見30﹒2銀。
  另一邊廂,靜咗好耐嘅雄安區概念股落鑊,刺激一眾水泥佬走勢添,大阿哥海螺
(00914)埋單時開心跳高約3巴仙,報42﹒5銀;街坊中建材(03323)亦跟升約
5巴仙,埋單7﹒96銀;金隅(02009)亦圍埋一齊開Party,收市時開心彈高約6
巴仙,埋單3﹒95銀,勁!
 
*原生態報捷蒙牛反倒跌,熱炒半新丁DCB攞A*
 
  「手機設備孖寶」舜宇光學(02382)同瑞聲科技(02018),今日分別逆市跌2
巴仙及1巴仙,分別收126銀及153﹒5銀,成為全日表現最差勁第一及第三位嘅藍戰士
。  
  蒙牛(02319)就成為今日第2差藍戰士,倒跌唔見近2巴仙,報26﹒05銀。至於
街坊消費股旺旺(00151)、康師傅(00322)表現就平淡D,靠穩報6﹒68銀同
15﹒86銀。原生態(01431)搶晒焦點,飛起20巴仙,報0﹒395銀!
  近日缸友似乎熱衷將錢放喺半新丁身上。彌明生活百貨(08473)今日再飆逾一成,
收報0﹒68銀,比招親價0﹒27銀高出1﹒5倍,彌明姐真係犀利呀!至於早前招親嘅歐化
(01711)亦都飛起近18巴仙,報0﹒99銀。
  不過,講到今日最勁嘅魚毛,DCB(08040)就搶晒風頭,一度彈起近八成,高見
1﹒46銀插旗,埋單亦有57巴仙落袋,報1﹒29銀,係第一大升攞A嘅魚仔,神!
  周末愉快,請請!
 
  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力