極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
00669 創科實業
即時 按盤價 跌106.100 -3.000 (-2.750%)
相關新聞

24/05/2019 18:08

《小傳日記》人仔急急漲,魚缸頂住上;車佬阿爺捧,馬交佬傷重!

  《小傳日記》隔晚(23日)花旗國道指跌近三百點,本以為今早(24日)魚缸都會跟住
一齊倒水,點知反而係高開高走,侵侵(特朗普)話中美貿易應該好快傾成單Deal,缸友們
話聽住先啦,但手機設備股確實有追捧,午收前升幅雖然縮一縮,但午後「孖屐」再度落鑊,除
咗人仔反彈逾百點子之外,其中阿爺對汽車稅有新策略,吉利(00175)曾一度反彈近7巴
仙,其他車佬都跟住飛起。另外,金沙(01928)早前被大行唱淡之餘,今早旗下四季賭場
又被人搶籌碼,真係「雙重打擊」囉,所以跌3巴仙為今日最差藍戰士。
  恆指今日收報27353點,升86點,升幅不足半巴仙,全日成交760億銀跌兩成三。
國企指數收報10445點,升44點,幅度近半巴仙。
  A場方面則走勢靠穩,上證收報2852點,升不足1點;國企指數收報8776點,跌
32點,跌幅不足半個巴仙。
  大隻藍戰士方面,大象(00005)今日微漲一亳半子,報65﹒4銀。生發發
(00388)升逾半巴仙,報248銀。QQ(00700)好淡爭持跌不足半巴仙,報
324﹒8銀,但連跌七日,咪話唔傷。中移動(00941)急升近2巴仙,報73﹒4銀。
AIA(01299)飛起近1巴仙,報75﹒45銀。
  貿戰緊張氣氛緩和,創科(00669)急升近3巴仙,報50銀,為是日最佳藍戰士。
 
*阿爺又出手車佬升勢有,被人搶籌碼金沙股價差*
 
  今日阿爺係下午突然出手,推出一項買車稅項新策,話會按實際車價扣稅,而且唔包括增值
稅稅款,午後車佬繼續飛起,吉利一度大升近7巴仙,但收市前漏小小氣,收漲逾2巴仙,報
12﹒46銀。比亞迪(01211)收漲逾1巴仙,報45﹒5銀。華晨中國(01114)
彈起2巴仙,報7﹒01銀。廣汽(02238)漲近2巴仙,報7﹒21銀。長汽
(02333)踢高近4巴仙,報5﹒37銀。
  金沙真係慘慘豬,先被麥格理唱淡,其後係佢嘅賭場被人搶咗三球籌碼,雖則話係小事,但
對賭場而言都「唔老黎」啊!所以股價急急跌逾3巴仙,報36﹒6銀。美高梅(02282)
跌近2巴仙,報12﹒72銀。其他賭股則因為人仔反彈而造好,銀娛(00027)漲不足半
巴仙,報47銀。永利馬交(01128)升逾1巴仙,報16﹒66銀。新濠(00200)
升近1巴仙,報16銀。
 
*侵侵又出聲設備佬唔驚,晶片佬受壓中芯亦失策*
 
  侵侵指「華為事件」,可以喺中美協議入面得到解決。消息帶動近排跌到一仆一碌嘅手機設
備佬出力反彈,惟獨舜宇(02382)最終都喺要回軟半巴仙,報67﹒6銀。瑞聲
(02018)漲近2巴仙,報42銀。高偉電子(01415)仆低近1巴仙,報1﹒42銀
。丘鈦(01478)揚唔夠半巴仙,報5﹒42銀。富智康(02038)走高2巴仙,報
0﹒94銀。
  晶片佬今日就逆「孖屐」而行,皆因華為再被封殺,以後無得再用SD卡,相關概念都終於
失守,中芯(00981)仆低逾4巴仙,報8﹒42銀。華虹半導體(01347)跟跌近
2巴仙,報15﹒72銀。ASM太平洋(00522)升一格報75﹒55銀。上海復旦
(01385)急跌近7巴仙,報10﹒06銀。
 
*美團出業績缸友好寵溺,國航現生機鐵鳥終高飛*
 
  新經濟佬走勢不一,美團(03690)噚日公布截至3月底止業績,首季虧損14﹒32
億人仔,較上年同期虧損210﹒51億人仔有所收窄,大摩預計,該公司第二季度有季節性利
好因素帶動,利潤率將會進一步改善,所以將佢嘅「他屐」升至75銀,兼維持「增持」評級,
該股好得人歡喜,全日走高近半成,報61銀。同程藝龍(00780)同閱文(00772)
各升半巴仙,分別報14﹒2銀及32﹒2銀。小米(01810)因為副總裁被辭退,股價走
低三格報9﹒77銀。眾安在綫(06060)跌近2巴仙,報21﹒85銀。
  人仔爭氣反彈,鐵鳥今日終於高飛,國航(00753)就畀大摩唱好,仲調升佢評級,由
「中性」至「增持」,「他屐」就睇9﹒6銀,該股全日揚近3巴仙,報7﹒23銀。南航
(01055)升1巴仙,報5﹒01銀。東航(00670)無升跌,報4﹒23銀。
  周末愉快,請請!
 
  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新節目《說說心理話》原生家庭對成長有咩影響?改善溝通有計可施?► 即睇

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力