按盤價 
《開市Ｇｏｏｄ Ｍｏｒｎｉｎｇ》聽日喺星期四，但呢個喺非一般嘅星期四，佢叫「超級
星期四」。以時間順序，先有花旗國本港時間聽日（２１日）凌晨公布議息結果，後有大量港股
業績，包括萬眾期待嘅「股王」騰訊（００７００）、中移動（００９４１）、長和系等等。
先講花旗國議息，「孖屐」早已估計，今個月唔會加息，並且可能會公布停止縮表細節。究
竟今個月喺咪主席鮑威爾之前講嘅「ｒｅａｓｏｎａｂｌｙ ｓｏｏｎ」時間，定喺仍然「ｔｏ
ｏ ｓｏｏｎ」？議息聲明嘅措辭又有幾鴿？年內加息步伐會唔會有更明確指示？
至於騰訊，綜合券商預測，按非通用會計準則，去年純利升一成一至兩成四。而單計第四季
，預測最低嘅純利增長只有唔夠１巴仙。睇黎第四季嘅表現，都幾拖累份全年業績，點解市場預
期佢第四季表現咁差？神州去年凍結咗遊戲審批９個月，遊戲收入表現又如何？隨著當局今年復
批遊戲版號，今年首季個遊戲業務表現又喺咪可以見底回升？
騰訊股價今日上過３７１﹒２銀，創７個月新高，收市就無起跌，報３７０銀。今日有消息
話，公司競購屈臣氏股份。假如消息屬實，又喺咪可以帶動騰訊上返４００銀呀？宜家好多大行
俾佢既「他屐」都仲喺４００銀樓上架，包括瑞信、匯證、野村等！
聽日「開市Ｇｏｏｄ Ｍｏｒｎｉｎｇ」，請嚟鼎成證券董事總經理熊麗萍，同大家詳細分
析議息結果、騰訊業績最後預測同埋股價部署，請大家萬勿錯過！
記住聽日８：５５ａｍ，準時ｃｌｉｃｋ入ｗｗｗ﹒ｅｔｎｅｔ﹒ｃｏｍ﹒ｈｋ或
ｈｔｔｐ：╱╱ｆｂ﹒ｍｅ╱ｅｔｎｅｔ﹒ｃｏｍ﹒ｈｋ，昅實《經濟通》ＮｅｗｓＴＶ全新直
播節目－－開市Ｇｏｏｄ Ｍｏｒｎｉｎｇ喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
