極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
01347 華虹半導體
即時 按盤價 升15.260 +0.240 (+1.598%)
相關新聞

12/12/2017 17:42

《小傳日記》QQ與平保,好友再失蹤;匯豐獨力撐,大市難輕鬆!

  《小傳日記》外圍繼續大牛市行情,花旗嗰邊未受紐約爆炸事件影響。缸友觀望緊今個星期
美歐英三大央行議息,但由於科技同能源股造好,道指同標指都再創收市新高。香江呢邊,大市
今早輕微高開7點報28972點,之後QQ(00700)同大象(00005)發力,推動
魚缸升至29066點,升破十天線(28878點);但旋即惹來沽盤,QQ、平保同舜宇
(02382)在內嘅藍戰調頭向下,拖累魚缸倒跌。恆指全日最多跌219點低見28745
點,埋單計唔見171點或0﹒6巴仙,報28793點;十天線得而復失,而五十天線
(28811點)亦告失守。
  A場就腳仔軟,今日無咗1﹒2巴仙,報3280;國貨亦都跣低119點或1巴仙,報
11312。臨近年尾,基金埋數前忙於「做嘢」,加上衍生產品活躍,大市亦往往大上大落。
上星期急插,但到周五(8日)同昨(11日)又急促反彈;今日高開後,大市瞬即掉頭向下,
真係昅少陣都已經損手爛腳。先高後低嘅一日,主板成交1048億銀,按日少4巴仙。
 
*外圍大牛市香江大亂市,大上大落間大象在奮戰*
 
  呢排大象(00005)發威,又令孖屐掀起「聖誕鐘,買匯豐」嘅傳統「智慧」,法巴旗
下證券行,都湊熱鬧唱好,將大象目標價由84﹒25銀微微升至85﹒98銀,維持跑贏大市
評級,大摩就睇89銀。今朝大象即刻乘勢衝破79銀,掂一掂79﹒05銀再創逾9年高位後
,就要唞唞跟市回一回,埋單穩收78﹒35銀。值得一提嘅係,大象貼價牛證又見重貨,缸友
記得小心為上,避免又再出現之前QQ連環殺牛嘅情況啊!
  相信缸友都係等緊花旗聯儲局兩日後公布加息,香江錢莊到時就有機會再衝高慶祝。缸友近
排都密密收集股份,難怪中銀香港(02388)、渣打(02888)都靠穩無大變化,分別
收報39﹒1銀及79﹒95銀。
 
*QQ失氣勢閱文有點翳,恆騰與華誼缸邊好好揮*
 
  QQ旗下嘅林芝QQ打算通過協議轉讓方式,入股A場永輝超市(滬:601933)5巴
仙股份,另外又打算增持子公司雲創科技權益。賓架大和同中銀國際都維持「掃貨」評級,他屐
分別係470同450銀,令到QQ朝早再彈起,高見410﹒8銀,觸及11月30日下跌裂
口底部。之不過,QQ喺低位累升一成,又係時候計計數,無耐就調頭向下,碌低3巴仙,報
393﹒2銀,再次跌穿400銀。至於囝囝閱文(00772)同「有份」嘅易鑫
(02858),就分別跪低逾2巴仙同近2巴仙,分別報86﹒15銀同6﹒35銀。
  不過,樹大好遮陰,作為QQ附屬一分子,恆騰(00136)同華誼騰訊(00419)
今日就炒起晒。前者錄得逾10巴仙進帳,報0﹒32銀,後者就有逾9巴仙落袋,報0﹒35
銀。
  除咗QQ之外,平保(02318)亦係一眾缸友焦點。喺連日反彈之後,今日又謝晒,低
收3﹒3%。
 
*舜宇與瑞聲彈完又再散,醫藥股炒起德銀畀個讚*
 
  早兩日大幅反彈嘅手機設備商舜宇(02382),上個月手機鏡頭出貨量按月少咗3巴仙
,令股價跪低逾7巴仙,報110﹒3銀,成為表現最弱嘅藍戰士,睇嚟要真正重拾升勢,唔係
一朝一夕就搞掂嘅事。街坊瑞聲(02018)亦都唔見近4巴仙,報147﹒6銀。
  作為整手機晶片必備原材料之一嘅半導體,今日就各走各。中芯國際(00981)踢起逾
1巴仙,報10﹒94銀。而ASM(00522)同華虹(01347)就唔見逾1巴仙同踢
高近3巴仙,前者報104﹒5銀,後者收14﹒34銀。
 
*新藥開綠燈金斯瑞爆升,計劃搞合營復星醫精靈*
 
  神州醫藥佬呢排都搶盡風頭,噚日德銀就出嚟唱好醫藥街坊,話佢地仲有得升,而一哥中國
生物製藥(01177)更係畀德銀列為街坊首選。繼噚日爆升近6巴仙破頂後,今日雖然被大
華繼顯降至「賣貨」評級,但就再彈高近4巴仙,報12﹒28銀,最新山頂位已經去到
12﹒36銀。
  搞生物科技嘅金斯瑞(01548)都好巴閉,噚日有消息話佢旗下隻新醫研究獲審批通過
,咁就爆升咗近兩成,今日就最多升咗近6巴仙,喺最新山頂位13﹒26銀插旗,但埋單前缸
友散水,跌近兩巴仙,報12﹒36銀。
  復星醫藥(02196)早前話要同四川一間精神衛生中心搞投資合作,雖然只是初步計劃
,但今日都最多升咗超過4巴仙,埋單嘅時候就升近兩巴仙,報42﹒8銀,並連升咗四日,加
埋就有近15巴仙進帳。
  石四藥(02005)都有好消息公布,話佢旗下嘅注射液已經獲阿爺批准搞生產,今日彈
起超過3巴仙,報4﹒94銀,最新山頂位去到5﹒08銀。石藥(01093)連升三日之後
就腳軟,今日跣低1巴仙,報15﹒64銀。請請!
 
  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新節目《說說心理話》原生家庭對成長有咩影響?改善溝通有計可施?► 即睇

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力