按盤價 
《開市Ｇｏｏｄ Ｍｏｒｎｉｎｇ》喺而家呢個炒股唔炒市嘅時期，今次有幸當紅嘅就係家
電股。不過，佢地嘅紅，只係曇花一現。
有傳神州將推出新一輪家電消費刺激政策，包括電器「以舊換新」、新型綠色或者智能化家
電，每件補貼上限一成三或者８００蚊人仔，鼓勵用家提早淘汰耗電量高嘅電器。仲記得一月份
既時候，神州推出家電下鄉政策，果陣啲家電股好雀躍。不過，今時唔同往日，佢地只係早段飆
過一飆，之後都要齊齊升幅收窄。表現最好嘅係創維數碼（００７５１），收市升到近２巴仙，
報２﹒７２銀；海爾（０１１６９）同ＴＣＬ電子都只係走高１巴仙左右，分別報２３﹒１５銀
同４﹒３８銀，而國美零售（００４９３）更加係升都升唔起，收市無升跌。究竟今次同上次嘅
家電下鄉有咩唔同？家電股升唔起，係咪反映神州消費者消費力透支？
講完啲彈唔起嘅，轉講下興奮啲嘅，就係李寧（０２３３１）喇！今日盤中高見１４﹒２銀
，創近８年新高，收市都仲ｋｅｅｐ到，報１４﹒１８銀，升幅達近７巴仙。佢就無政策扶持，
但就有數據支持。截至今年３月底止，同店銷售錄得按年一至兩成低段增長，而今年第四季訂貨
會，亦即係預售，都有一至兩成中段增長。缸友梗係齊齊拍手掌，花旗仲寫埋報告讚好添，話佢
好過同業安踏（０２０２０）呀！一間市值３１０億嘅公司，竟然可以媲美一間近１５００億市
值嘅巨頭，唔係唔值得慶賀呀？
之但話，睇返個圖先，由舊年十月既６﹒３３銀低位，至到今日高位１４﹒２銀，累計升幅
逾倍，究竟再升空間有幾大？投資者應該等，定係而家要承受咁高嘅價位，好過遲吓入唔到貨？
下星期二（２３日），放完假返嚟之後嘅「開市Ｇｏｏｄ Ｍｏｒｎｉｎｇ」，請嚟艾德證
券期貨聯席董事陳政深，同大家詳細家電股、李寧，同埋大市走勢！
記住下周二８：５５ａｍ，準時ｃｌｉｃｋ入ｗｗｗ﹒ｅｔｎｅｔ﹒ｃｏｍ﹒ｈｋ或
ｈｔｔｐ：╱╱ｆｂ﹒ｍｅ╱ｅｔｎｅｔ﹒ｃｏｍ﹒ｈｋ，昅實《經濟通》ＮｅｗｓＴＶ全新直
播節目－－開市Ｇｏｏｄ Ｍｏｒｎｉｎｇ喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
