極速報價  |  詳細報價  |  互動圖表  |  圖表  |  成交  |  新聞  |  評論  |  相關證券  |  公司資料  |  派息  |  沽空
02319 蒙牛乳業
即時 按盤價 跌20.750 -0.200 (-0.955%)
相關新聞

06/10/2017 17:44

《小傳日記》勇破大時代,缸友齊喝采;眾安闖紅底,早沽好唔抵!

  《小傳日記》花旗國魚缸噚晚(5日)受到稅改嘅樂觀情緒,同埋強勁經濟數據刺激,三大
指數再創收市新高,當中道指收漲113點報22775,牛氣沖天!
  香江呢邊一樣咁「牛」!恆指今朝(6日)一開市就強勢彈起247點報28626,亦係
全日最高,唔單止成功衝破2015年「大時代」28588點高位,仲差唔多去番十年前嘅水
平,勁呀!仲有三馬概念嘅眾安在綫(06060)今朝都一口氣爆升兩成去到96﹒1銀,
「紅底」在望,真係緊張到嘩嘩聲呀!
  不過,多隻藍戰士,股王QQ(00700)、AIA(01299)、吉利
(00175)等完成任務,都要休息唞一唞,雖然恆指埋單得番78點報28458,但能夠
攻破大時代高位,對好友來講,意義重大呀!國指方面,都升幅收窄再61點報11459。全
日魚缸成交都有1030億銀,夠晒旺。
  仲有,A場下星期一(9日)長假後復市,唔少缸友都估,大媽們會掃番放假時買唔到嘅祖
國錢莊,到時香江魚缸又可以叨吓光,話唔定二萬九關不是夢哦!
 
*貨源歸晒邊眾安搭火箭,揸住內資股百仕達超發*
 
  星味濃郁嘅眾安貨源歸邊後,今日又繼續搭火箭喇!最多曾經爆升過近兩成,高見96﹒1
銀,向著「紅底」大關出發,身為眾人焦點嘅佢亦都係成交最多嘅股仔,最終就跳起近17巴仙
,報93﹒65銀。
  百仕達(01168)手上就揸住眾安8100萬股內資股,當然就可以叨光飛起埋一份啦
!今日一躍而上收復十天線(1﹒505銀),彈高4巴仙,報1﹒5銀。而百仕達持有逾36
巴仙股權嘅威華達(00622)都踢高近4巴仙,報0﹒187銀。
  其他街坊都有被旺市嘅氣氛感染到,齊齊飛高,平保(02318)衝前逾1巴仙破頂,報
63﹒8銀。
 
*吉利開turbo迪仔望紅底,蒙牛闖高位復星高陞照*
 
  勢估唔到吉利連升三日之後仲有力再上啊,自從早排大摩決定大升目標價,由15銀飛上
30銀,仲將評級由「持有」上調至「增持」,吉利就開盡turbo。今日單日又跳起近6巴
仙,報27﹒35銀,成為是日最佳藍戰士,累計4日合共彈起逾24巴仙,厲害!街坊比亞迪
(01211)之前都炒「紅底」憧憬,今日亦都唔執輸,衝前近2巴仙報80﹒45銀,盤中
高見81﹒9銀,創逾七年嚟嘅新高。
  要數到其他出位嘅藍戰士,就要提到蒙牛(02319)啦!今日隨市彈起3巴仙,報22
銀,盤中高見22﹒3銀再創逾兩年新高,9月份累升近20巴仙。
  有「上海和黃」之稱嘅復星(00656)就衝前逾7巴仙,報17﹒9銀。早前佢就同囝
囝復星醫藥(02196)聯合公布,話完成收購印度製藥商Gland Pharma,而復
星醫藥就跳起逾5巴仙,報35﹒05銀。
 
*金九冷清清四條三腳軟,5G概念勁中興high到爆*
 
  據新華社嘅「新華視點」報道,今年「金九銀十」期間,神州一二線熱點嘅樓市普遍行情清
淡,但部分三四線樓市就比較活躍,而一眾神州磚頭佬今日仍然醒神,融創(01918)升咗
2巴仙,盤中高見42﹒35銀破頂,結果全日報40﹒8銀;「四條三」恆大(03333)
午後就腳仔軟近2巴仙收報30﹒2銀,但今日盤中曾經高見31﹒6銀破頂架;華南城
(01668)都踩行油,全日都飛起近3巴仙,報2﹒41銀。
  5G概念佬繼續受追捧,中興通訊(00763)畀麥格里喺前日(4日)維持「跑贏大市
」評級,「他屐」就維持35銀,今日盤中高見30﹒45銀,仲創埋上市新高添,最後全日升
咗近8巴仙,報30﹒1銀;街坊京信通信(02342)亦都吹起咗近7巴仙,埋單1﹒58
銀。
 
*旅客人數跌賭仔要損手,細股開派對太睿復牌升*
 
  十一黃金周到訪馬交嘅旅客人數由升轉跌,喺10月內頭四日暫錄46﹒9萬人次,比去年
同期就少咗2個巴仙,雖然賭仔銀娛(00027)獲大摩重申「增持」,但「他屐」只維持喺
53﹒5銀,銀娛現價都已經升有凸,難怪最終全日冇咗近2巴仙,報55﹒4銀;街坊金沙
(01928)就逆市插近3巴仙,報39﹒6銀,睇落賭仔真係冇乜運仔喇!
  另一邊廂,細股就開晒Party,停賽逾兩年嘅太睿(01010),控股股東耀正完成
咗配售7324萬股後,今日終於復賽喇!結果今日起勢追番兩年嘅光陰,應聲彈高近65巴仙
,報2﹒8銀,係最威水魚毛;近排跌到唔識停嘅正力(08283)錄得「十三連陰」累跌大
嗱嗱82巴仙之後,嚟個大反擊,飆高近26巴仙,報2﹒39銀;中國投融資(01226)
都唔輸蝕,全日都有近26巴仙進帳落袋,報0﹒088銀,真係可喜可賀丫!假期愉快,請請

 
  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

備註: 即時報價更新時間為 13/12/2017 11:24
  港股即時基本市場行情由香港交易所提供; 香港交易所指定免費發放即時基本市場行情的網站
產品簡介

【得獎名單】【etnet Bonus賞你】皇室堡 x Rilakkuma 2018「萌」具套裝月曆及冬日懶洋洋充氣梳化

【DIVA Channel】賞睇《生命因妳更強》

【etnet Xmas Bonus賞你】新城市廣場‧星光泡泡許願泉體驗及粉彩Selfie棉花糖