極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
02382 舜宇光學科技
即時 按盤價 升39.950 +0.400 (+1.011%)
相關新聞

26/04/2017 16:50

《小傳日記》QQ破頂後畏高,魚缸連升好風騷

  《小傳日記》孖屐對「侵侵」即將宣布嘅減稅計劃抱有好大期望,加上麥當勞等企業季度成
績唔錯,花旗國魚缸噚晚(25日)大發神威,道指斬穫232點仲一度重上二萬一,納指更加
首次升破6000點。
  香江呢邊都受到鼓舞,噚日收穫316點,今日再接再厲高開107點,喺QQ
(00700)破頂、賭仔同內險力撐之下,最多更升過181點高見24637,進逼3月時
嘅高位24657。全日埋單計數就有122點落袋,收報24578。國貨佬則彈起45點收
10317。
  魚缸連升3日累漲536點,走勢似乎樂觀返好多,成交亦增加2巴仙至786億銀。

*賭仔勁發圍永利好氣勢,新利潤管制電股唔算曳*

  賭仔今日發圍,永利(01128)公布首季業績,純利1億美金,按年增加27巴仙,期
內經營收益總額仲大升七成五,多間賓架都唱好,包括招商證券、高盛、野村,令到永利今日飛
起4巴仙,報17﹒52銀。街坊亦都唔弱,澳博(00880)直頭踢起近6巴仙,報
7﹒6銀,金沙(01928)同銀娛(00027)就有近4巴仙至近5巴仙落袋。
  兩電將實施新利潤管制,對市民嚟講,話唔定係一個好消息,因為有機會減電費,生活開支
唔使咁大。麥格理話,新協議監管年期長,對中電(00002)係有利嘅;而花旗同樣睇好中
電多過港燈(02638)。今日兩者走勢各異,分別升高近1巴仙同跣低1巴仙;至於電能
(00006)就靠穩,報69﹒45銀。

*QQ試高位尾市卻走低,舜宇向前衝破頂好輕鬆*

  股王QQ噚日成功喺收市果陣又再創新高,突破二萬三億市值,風頭一時無兩。今日都趁強
勢再試高位,去到244﹒6銀山頂位後,卻高處不勝寒,最尾碌返低唔夠1巴仙,報
241﹒6銀。但粗略計一計,QQ今年已經最多累升咗近三成,股王地位穩如泰山!
  科網龍頭領帥,帶挈埋手機設備股一齊向前衝,舜宇(02382)今日都曾經升4巴仙去
到63﹒95銀新高;細細粒嘅通達(00698)噚日一度彈起近7巴仙見2﹒92銀歷史高
位後,今日再下一城,攻佔埋3蚊大關去到3﹒02銀,收市都仲有近2巴仙落袋報2﹒96銀
;比亞迪電子(00285)都好威水,由2月份開始,喺6蚊水平一直沿著十天線向上升,今
日埋單已經升到去12﹒16銀喇!

*中金升目標財險表現俏,友邦明放榜偷步在甜笑*

  財險(02328)之前獲大摩唱好,預期首季業績強勁,今日再獲中金升「他屐」至16
銀籲買,應聲跳高3巴仙,報12﹒52銀。國壽(02628)就算被美銀美林降級至「中性
」,亦一於少理,照衝前逾1巴仙,報23﹒8銀。
  友邦(01299)聽日(27日)放榜,偷步行前近2巴仙,收51﹒3銀。高盛先排估
計佢首季新業務價值高達6﹒62億美金,實際匯率計按年升一成半。
  恆大(03333)執董徐文辭職,過檔附屬恆騰網絡(00136)做主席。恆騰受刺激
,踢高近7巴仙,報0﹒155銀;恆大卻趴低6巴仙,得返8﹒7銀。

*匯思將易手爆升唔識唞,重鋼大反擊楓葉高高收*

  匯思太平洋(08147)控股權易手畀王良海,並折讓逾36巴仙提出現金要約。佢今日
復出缸湖表現驚人,一度爆高1﹒5倍,最終都飆高逾78巴仙,收0﹒187銀。
  中新金融(00412)飛起近30巴仙,報0﹒415銀。佢向主要股東山東國際折讓逾
6巴仙發行50億股,用嚟收購租賃業務四成權益;之後又錄到大嗱嗱6﹒83億銀大手,唔知
有咩「景轟」呢?
  重鋼(01053)噚日話被債權人入稟申請重整,A股仲有被終止上市嘅風險,結果瞓低
逾16巴仙。今日佢嚟個大反擊,反彈15巴仙,收1﹒31銀。
  楓葉教育(01317)中期多賺近45巴仙,派息都增加43巴仙至6仙,加上有野村大
讚上調目標,全日企高近9巴仙,收6﹒52銀。請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力