按盤價 
《魚缸博客》魚缸近期都反覆炒唔同消息，有真又有假，好似龍湖（００９６０）被人傳完
商票逾期，之後仲傳埋會破產，謠言滿天飛，龍湖終於頂唔順澄清之餘兼報警！
講起消息呢輪百度（０９８８８）都好密手自己公布消息，就係佢旗下「蘿蔔快跑」無人駕
駛ｃａｌｌ車服務，一時又成功喺重慶、武漢獲批全國首批無人化示範運營資格，一時又喺合肥
市開啟商業化試點，由沿海城市一路愈開愈遠，好似已經遍地開花。
百度而家都可以算係無人駕駛技術龍頭，比起一樣研究緊嘅舜宇（０２３８２）同小米
（０１８１０）進度快得多，尤其已經成功落地，相信都可以開始為百度提供新一浸收入來源。
雖然百度都係科網股之一，但一直以來都比較少受到監管影響，好大程度百度深耕科技研究，無
好似騰訊（００７００）、阿里（０９９８８）咁大搞金融業務，繼而就唔會被《反壟斷法》規
管到。
近期百度股價回落返１３０銀水平較強支持位，預計中期業績向好不妨現價買入，初步睇返
１４４銀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
