極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
03800 協鑫科技
即時 按盤價 升1.280 +0.010 (+0.787%)
相關新聞

21/05/2018 17:25

《小傳日記》中美貿易終休戰,魚缸有望見青天?

  《小傳日記》太好了,中美貿易有望休戰喇!傾咗咁多日,阿爺終於同意大幅增加花旗國進
口,不過就唔係完全讓晒步,皆因都無提到花旗國政府,之前一直要求縮減二千億美金貿易順差
嘅目標。但至少雙方都一致達成共識,話唔打貿易戰。香江魚毛都放下心頭大石,成班手機佬、
航運港口佬、豬肉佬等等,今日(21日)都強勢反擊,帶領恆指高開後,曾急升逾400點至
31464,威!
  貿易陰霾逐漸消散,大隻藍戰都出兵奪回主導權,AIA(01299)衝前逾3巴仙收報
74﹒2銀。缸友最關心嘅股王QQ(00700),自季績公布後,就無咩特別好消息刺激,
收市前仲要倒跌近1巴仙收408銀,慘。個別魚毛仔都十分熱鬧,有D更坐火箭飛升,有D坐
潛水艇深潛,總之就各自上天落海。
  總括全日賽果,QQ收市前舉白旗,搞到魚缸升幅縮番大半,埋單只抽高186點收市報
31234慶祝貿易休戰,不過花旗提醒,未來都仲仍可能出現摩擦,所以缸友們都不能掉以輕
心哦;國指精神麻麻跑輸大市,仲要微跌5點,收12349。全日成交超過959億銀。

*貿易戰停火萬洲賀一賀,港口航運佬受捧好風騷*

  中美貿易暫時傾掂數,唔少魚毛都甩難,瑞信列出數隻受惠者,當中萬洲(00288)更
獲予目標11﹒9銀,較上星期五(18日)收市價(8﹒41銀)仲有逾四成水位,難怪今日
一馬當先衝前近5巴仙收8﹒82銀,亦係最威水藍戰。
  仲有港口、航運佬,都因為阿爺增加花旗國農產品進口,而受惠生意有機會增加,招商局國
際(00144)、中遠海能(01138)就分別急升逾3巴仙及近9巴仙,報18﹒90銀
及4﹒54銀,前者仲係第三威藍戰添。
  除此之外,手機設備佬都因為中興(00763)被禁制而受牽連,今日當然吐氣揚眉!瑞
聲(02018)近呢個月跌咗咁多,埋單彈起近5巴仙收118﹒7銀,總算收高十天線(約
116﹒12銀)之上,亦係第二威藍戰。舜宇(02382)就跟市行前逾1巴仙收市報
149﹒5銀。
  
*習大大下令環保不准遲,371落鑊光綠火熱紅*

  阿爺除咗忙住處理貿易戰外,祖國日前都召開生態環境保護大會,習大大提出要加大力度推
進生態文明建設,解決生態環境問題。一班環保佬當然唔敢怠慢,要積極配合國策喇,換句話說
,即係有機會多咗生意做喇!北控水務(00371)今日就率先跑出,逾5億銀成交踢高近一
成,收4﹒96銀。
  仲有,光大綠色環保(01257)都有逾8巴仙進帳收8﹒55銀,佢阿媽光大國際
(00257)都齊齊落鑊,收漲近7巴仙報11﹒24銀,勁!
  連靜咗一排嘅光伏股都有D收穫,保利協鑫(03800)同協鑫新能源(00451)都
分別有逾3巴仙及近5巴仙進帳,收0﹒98銀及0﹒45銀。

*燃氣限供應街坊續急升,成峰開引擎爆升逾四成*

  油價呢排係咁上樓梯,除咗「三桶油」同油服佬有運行之外,由於天然氣作為石油另一個好
重要嘅替代能源,所以油價升嘅同時都帶挈唔少神州燃氣佬。加上「孖屐」有傳,神州燃氣供應
大佬中石油(00857)限制燃氣供應,上個禮拜五有唔少燃氣街坊都有近半成升幅。今日燃
氣佬繼續食住個勢上,神州燃氣(00384)就最巴閉,彈起超過8巴仙,報32﹒6銀,仲
要破埋頂,最高見32﹒7銀,喺全日最勁嘅國指成分股。佢阿媽北控(00392)冇乜料到
,升咗唔夠1巴仙,報43﹒55銀。潤燃(01193)跳起近半成,報30﹒5銀。新奧能
源(02688)就抽高近4巴仙,報80﹒35銀。
  多次落鑊嘅教育佬就個別發展,主要喺香江搞補習生意嘅金匯教育(08160)今日勁升
近22巴仙,報0﹒73銀。半新丁澳洲成峰高教(01752)上個禮拜坐火箭彈起近47巴
仙後,今日再上升咗超過41巴仙,報0﹒82銀,較招股價0﹒33銀高出超過1倍。新華教
育(02779)上個禮拜踢起逾26巴仙,今日彈起超過7巴仙,報4﹒17銀,最新山頂位
去到4﹒26銀。

*民眾累街坊全通好驚慌,老細要辭職俄鋁有起色?*

  民眾金融(00279)嘅八字可能同今個月嘅運程相沖,月頭到依家持續慘遭洗倉,民眾
發最新公告指,未能成功引入A場街坊民盛(深:002647)投資公司嘅證券同期貨業務,
今日一度急瀉近23巴仙,一度變身「仙股」,最低見9﹒8仙,埋單只係高少少,報1亳子,
瀉咗超過21巴仙,今個月以嚟就急插逾91巴仙。翻查資料,原來中國全通(00633)目
前有8巴仙嘅股權由民眾揸住,民眾暴跌亦都累街坊,全通今日急瀉近59巴仙,報0﹒72銀
,仲要係全日表現最差魚毛!
  另一邊廂,首長國際(00697)今朝錄19億股嘅大手交易,佔已發行股本約一成,涉
4﹒75億銀,雖然唔知咩事,但就全日抽高近一成,報0﹒239銀,突破埋條250天線
(0﹒237銀)。
  至於早排被花旗制裁嘅俄鋁(00486)一度由4﹒8銀附近高台跳水,跌到去1﹒31
銀。不過,花旗國話只係針對大股東德里帕斯卡,只要大股東放棄股權,就可以網開一面,而大
股東都好識做自己劈炮唔撈,辭任俄鋁母公司En+董事,即時生效。呢個消息刺激唔少缸友入
市掃貨,一度高見2﹒01銀,但最後都係守唔住兩蚊關,全日升咗超過半成,報1﹒94銀。
  聽日(22日)佛誕魚缸停賽一天。請請!
 
  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新節目《說說心理話》原生家庭對成長有咩影響?改善溝通有計可施?► 即睇

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力