極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
03968 招商銀行
即時 按盤價 不變30.950 0.000 (0.000%)
相關新聞

16/01/2018 17:58

《小傳日記》魚缸爆升創收市記錄,史上新高話咁快就到!

  《小傳日記》魚缸牛氣沒法擋,噚日(15日)十四連升雖然斷咗纜,但都完全無阻好友挑
戰史上新高嘅決心!今日(16日)香江魚缸開市已經反擊84點,之後簡直如入無人境地,生
發發(00388)爆升近6巴仙,祖國錢莊建工中行手牽手跳起3至4巴仙,QQ
(00700)又夾高2﹒5巴仙。最終恆指以全日高位31904完場,率先寫下收市新高,
飆升565點或1﹒8巴仙,距離31958史上最高位只係得54點,真係聽朝一開波話咁快
就到!
  再睇埋A場表現,明顯已經守穩3400點,今日更發力彈起近1巴仙收3436點;難怪
國指相當風騷,一班中資金融佬領軍,以2﹒5巴仙升幅或316點跑贏大市,收12787。
勁!
  今日大升市仲要有成交配合,全日錄得超過1646億銀大成交,缸友今晚真係要唞足精神
,聽日睇實魚缸,準備見證史上最強一刻吧!

*QQ拍LEGO平保創新高,生意做唔停生發發風騷*

  股王QQ今日多多新聞,首先公司宣布同Lego公司合作開發兒童網上遊戲,另外有傳出
同蘋果公司達成共識,將iOS設備恢復微信打賞功能,同埋市傳QQ投資嘅快手尋求融資約
10億美金。連串好消息之下,QQ開心衝前近3巴仙,報444﹒2銀,睇個勢話咁快又將破
頂!
  市道咁旺,當然唔少得經營魚缸嘅生發發啦,行政總裁李小加仲話,今年係推A場衍生產品
嘅好時機!之前已經傳出多間大企業打算嚟香江上市;當中,小米上市計劃仲愈來愈多消息傳出
,話好大機會揀香江上場添!再加上平保(02318)嗰邊又有消息,傳嚟緊分拆陸金所上市
。總之,生發發做生意都做到手軟,今日好給力,跳起近6巴仙,報288﹒4銀!
  平保就聽到摩笛起飛,大摩升「他屐」近三成,股價飛起近3巴仙,報90﹒65銀,盤中
高見91銀創新高!
  神州消費股亦繼續成為大市動力,蒙牛(02319)衝前4巴仙,報24﹒55銀。青啤
(00168)、雨潤(01068)亦有近4巴仙至14巴仙進帳,報47﹒65銀、
1﹒21銀。

*錢莊再破頂氣勢果然勁,升幅近一成萬科甚精靈*

  神州錢莊近來真係夠晒靚仔,阿爺話去槓桿之下粒粒都係升市巨星。當中招行
(03968)早前獲中銀國際唱好,今日就高見36﹒25銀創上市新高;街坊建行
(00939)、工行(01398)亦都分別高見8﹒13銀、6﹒88銀齊齊破頂,三者埋
單分別有3巴仙至4巴仙進帳,各自報36銀、8﹒13銀、6﹒87銀,成個魚缸變咗佢哋嘅
遊樂場!
  神州磚頭噚日雖然跌得比較多,但係今日反攻返上去。萬科(02202)
(深:000002)早幾日獲摩通送上祝福,升目標至10銀,今日A場創逾十年高,H股呢
邊跳起逾9巴仙,報42﹒2銀,榮升全球最大市值磚頭佬添,恭喜晒!
  仲有,阿爺開展新一輪土地利用總體規劃編制試點工作,碧桂園(02007)、雅居樂
(03383)分別飛起3巴仙同逾4巴仙,報17﹒78銀、13﹒7銀。
  禹洲(01628)以38億人仔,買咗沿海家園(01124)喺瀋陽同埋天津嘅土地。
結果禹洲就剷高逾14巴仙,報5﹒58銀;而沿海就仍然停牌。

*希瑪再飛升認真夠吸睛,宏橋突抽水粉絲頭擰擰*

  超購逾1568倍嘅焦點新丁希瑪(03309)入缸翌日依然狀態大勇,成為缸友掃貨對
象!今日再飆高近44巴仙,報7﹒35銀,日內最高見7﹒44銀,高招股價2﹒9銀約
1﹒6倍。如果你忍得手仲未沽,唔計手續費,每手帳面賺9080銀。勁呀!
  所謂「有人歡喜,就有人愁」!宏橋(01378)今日重投魚缸呢個大家庭,就以「先舊
後新」配股抽水62億銀,折讓約10巴仙,粉絲當然唔開心,決定走貨好過!完場時逆市無咗
近7巴仙,報9﹒99銀!
  泊埋去淘寶中國嘅高鑫零售(06808),獲麥格理升「他屐」,由10銀升至14銀,
評級續予「掃貨」,收市時就急升約8巴仙,報9﹒26銀。另外,之前佢同淘寶單「大刁」已
經係上周五(12日)截咗止啦,完成後缸友仍繼續持有近72巴仙股權。

*賭股高高高瑞聲卻憔悴,至愛當炒股中興多人追*

  「手機雙雄」之一嘅瑞聲(02018)就唔好彩喇,大升市之日,被缸友急急拋貨,全日
無癮收挫約3巴仙,埋單139﹒7銀,係表現最差嘅藍籌股;而街坊舜宇(02382)就比
較幸運,本來跌緊約3巴仙,但午後有力上返去,全日升近3巴仙,報110﹒8銀。
  仲有,《經濟通》新欄「至愛當炒股」今日貼隻中興(00763),隻股飛起7%。「至
愛當炒股」星期二及五出街,大家要昅實啦!
  唔知係迷農曆新年就快嚟到,憧憬馬交賭收可見反彈,博彩佬例牌都會被缸友列入重點掃貨
名單,當中銀娛(00027)就被大行瑞信視為行業首選,預料去年第四季嘅中場業務增長達
15巴仙至16巴仙,繼續畀佢「掃貨」評級,「他屐」就畀79銀。完場時銀娛仍飛高約2巴
仙,報63﹒15銀;至於街坊永利(01128)就繼續造好,全日剷高逾4巴仙,報
25﹒4銀;美高梅(02282)亦圍埋一齊開Party添,全日衝前近2巴仙,報24銀
。請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

備註: 即時報價更新時間為 28/03/2024 17:21
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力