極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
03988 中國銀行
即時 按盤價 跌3.230 -0.020 (-0.615%)
相關新聞

26/03/2015 17:53

《小傳日記》香江業績期尾聲,大市整固後放晴?

  《小傳日記》花旗國耐用品別單意外向下碌,搞到道指噚晚(25日)大拿拿插低近300
點報17718點,納指仲急挫逾2巴仙,創近一年來最大跌幅,嚇到缸友腳都軟埋。
  好彩,阿爺近排不停開會,傾吓今年發展大計,繼「一帶一路」之後,噚日國務院常務會議
就強調部署「中國製造2025」,重點發展十大領域,再加埋博鰲亞洲論壇年會今日
(26日)起召開,都對A場起到催化作用,收市又升番去3682點。見到A場有起色,香江
缸友先有番D信心留守作戰。結果,恆指全日收跌31點報24497力守50天線,國貨就唔
見49點收11919。全日主板成交832億銀左右。
  其實業績期就快完,睇番香江公仔圖,暫時都喺50天線度上上落落,反映好友防守力都仲
算強,後市仍然繼續睇好!

*牛牛豬肉佬業績果省鏡,粉絲收到了個價更加靚*

  今日又有份量十足嘅成績表睇,豬肉佬萬洲(00288)唔使「見紅」喇,舊年賺近
7﹒7億美金之餘,營業額仲翻倍添,勁!今日股價飛升近8巴仙收4﹒39銀,唔再做唏噓嘅
豬肉佬!美中不足嘅,就係賺咁多都無派息,不過今日有支大陽燭撐住,上番4﹒6銀應該冇難
度。
  藍戰士蒙牛(02319)按年多賺44巴仙去到23﹒5億人仔,派28分。摩通出嚟唱
好,除咗話佢份成績表好睇,仲估佢嚟緊毛利率有得升,係行內嘅冧巴溫,維持入貨評級,「他
屐」41﹒5銀,結果抽高近一成,成為最勇猛藍戰士。但聯想(00992)就唔爭氣,雖然
麥格理話聯想新興市場嘅智能手機市佔率上升,畀「優於大市」評級目標價13﹒2銀,但今日
股價踢低2巴仙,係最差藍戰士。
  新保(01336)都好陰功,上年多賺四成半至64億人仔,但股價又係唔爭氣,碌低近
半成,仲驚現「四連陰」添,慘。
    
*中銀與長和成功玩破頂,炒南北合併廣船認真正*

  中行(03988)同阿仔中銀(02388)績後被多間大行評頭品足,中行派少咗息,
大和即「詐型」,但見業績符合預期都升目標價到5﹒2銀,中行就收低近1巴仙。阿仔中銀畀
花旗唱好,話未來經營策略可能會配合「一帶一路」政策,上望股價31銀;摩通就指如果賣到
南洋商業銀行就可以刺激股價,咁多大行護航,成功破頂見28﹒15銀。
  長和系就非常勇猛,雙雙破頂好犀利,長和(00001)同和黃(00013)今日分別
高見157﹒3銀同埋107﹒5銀歷史高位,睇嚟收購米字國O2單「刁」都幾好腳頭喎。
  南車(01766)同北車(06199)有望6月「完婚」,到時中國中車會成為全球最
大鐵路公司,兩股分別踢高2巴仙同1巴仙。另外,被稱為「南北船」嘅中國船舶工業集團同中
國船舶重工集團傳出合併傳言,中船集團旗下上市公司廣船(00317)今日就威威喇,駛高
咗逾18巴仙報22﹒85銀。
  
*油價終反彈油股輕踏前,頁岩氣埋鑊你熱我更熱*

  油價繼續反彈,布蘭特5月期油收報56﹒48美金大漲2﹒5巴仙,中海油
(00883)就逆市踢高近2巴仙慶祝。中石油(00857)今日收市後放榜,收市漲近
1巴仙。結果,全年賺1072億人仔跌17巴仙,差過孖屐預期,未上車嘅缸友真係捏一把汗

  另一邊廂,頁岩氣股都開晒Party,細細粒嘅華油能源(01251)頹咗咁耐,今日
終於衝高近9巴仙報1﹒35銀,巨濤(03303)都有逾7巴仙進帳。專做油田服務生意嘅
中海油服(02883)下星期一(30日)公布業績,今日都偷步踢起咗4巴仙報12﹒32
銀。
  呢排科網股又再次成為炒友新寵,手遊股繼續輪住升,博雅(00434)彈高7巴仙,雲
遊(00484)同網龍(00777)今日放榜前都仲衝高3至4巴仙。親戚軟件股氣勢仲勁
,中訊軟件(00299)爆升近15巴仙,擎天軟件(01297)都一度衝高一成創上市新
高添!

*科網再飛升浩澤大反擊,電視股高漲天行炒風盛*

  浩澤淨水(02014)同沽空機構嘅大戰愈來愈精彩,話說浩澤反駁Glaucus六大
指控,同時主席同多名股東都拍晒心口話未來一段日子都唔會賣公司股份。話口未完,
Glaucus即出報告反擊,叫缸友睇清睇楚先決定入唔入貨。不過今次缸友就信好不信壞,
暫時投浩澤信任一票,收市飆升番逾14巴仙收3﹒01銀,勁!
  感動過香港好耐嘅亞視又有新進展,大股東王生失驚無神話公司可能喺月底閂門大吉。港視
(01137)就真係令人感動喇,事關股價今日飛起咗近15巴仙,而有線寬頻
(01097)跟住踢起咗近6巴仙!
  另一隻天行(00993)自從計劃易手至華融香港後,炒風就好鬼熱,今日再掃高23巴
仙,升破50天同100天線。隻股由消息宣布到而家,最多累升咗1﹒3倍喇。請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式之
       申述或訂立任何建議及推薦,讀者務請運用個人獨立思考能力自行作出投資決定
       ,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力