極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
03988 中國銀行
即時 按盤價 跌3.230 -0.020 (-0.615%)
相關新聞

23/04/2015 17:24

《小傳日記》數據嚇窒中資股,香江倒跌無晒符!

  《小傳日記》金管局噚日(22日)繼續向孖屐注資;皆因港匯仲係好強,熱錢仍然留喺缸
內炒來炒去!果然,今朝(23日)香江又承勢高開178點,之後匯豐中國4月份PMI得
49﹒2差過預期兼創一年新低,都無阻香江向上衝,最多仲升近280點至27820。
  原來下半場先見真章,雖然A場收市守得住四千四,報4414點,但係香江嘅中資金融股
就散水,工行(01398)、中行(03988)同國壽(02628)等都唔見1至3巴仙
,搞到國貨指數跑輸大市,收跌191點或1﹒3巴仙,報14470,而大隻佬指數就只係唔
見106點收27827,仍然收高於十天線(約27657)樓上,全日成交約1918億銀
左右。
  其實中港魚缸升到去呢個高位,暫時小幅度整固吓,咪仲健康!況且,今日「打勝仗」同
「舉白旗」嘅股仔數目都差唔多,明顯好淡雙方都仲拉鋸緊,有貨缸友唔使太擔心!

*PMI曳曳創一年新低,趁機計計數缸友不閉翳*

  市場傳聞中銀香港(02388)就出售南商股權收標書,憧憬有豬肉分,缸友隨即大力掃
高,仲試過去到31﹒2銀歷史高位添,結果全日收升3巴仙,報30﹒9銀。消息一出,又再
掀起港銀併購風,大新系自然成追捧對象,大新金融(00440)同埋大新銀行
(02356)都造好,分別踢高逾2及1巴仙。鄰居恆生(00011)今日亦都發威,高見
151銀同樣創新高,收升2巴仙。東亞(00023)雖然無咁勁,但都逆市升0﹒3巴仙。
  國際級嘅大象(00005)今日都企得穩,收升0﹒5巴仙報70﹒8銀,原來公司聽日
(24日)開股東會,高盛估計可能會透露發展策略,維持「確信買入」評級,目標價88﹒2
銀添。
  併購風吹到去其他重組概念股身上,麗新系全系報捷,當中豐德麗(00571)爆升得最
勁,飛升近38巴仙,報1﹒17元;其他兄弟姊妹亦都落鑊,麗新發展(00488)、麗新
國際(00191)同埋麗豐控股(01125)升幅介乎近4巴仙至6巴仙。

*中銀靚到暈傳聞售南商,街坊與友好也來急急漲*

  魚缸今日猶似坐過山車,上完一圈又落一圈,轉到人頭都暈;而全日成交都有千九億銀,再
加埋生發發(00388)小加總裁力撐「滬港通」係港股牛市催化劑,今日生發發即刻再創上
市新高,見305﹒6銀,嘩!只可惜收市前漲少咗,最終只係踢起咗近1巴仙,收報
296﹒8銀,上唔番300蚊,持貨缸友真係要打打氣,加油衝上去呀!
  近排魚缸喺高位徘徊,企業梗係趕緊抽水啦;而家唔抽,乾塘就無用武之地喇。中軟國際
(00354)畀聯想控股旗下嘅弘毅投資全部拋售晒所有嘅持股,大拿拿有成3﹒35億股,
每股作價仲要係折讓,結果公司今日就跣低8巴仙,收報4﹒01銀。
  皓天財經(01260)都宣布,折讓一成五先舊後新配股,集資4﹒2億銀,當中用八成
去起一個O2O金融服務平台「皓天雲」,睇嚟粉絲唔係好支持,結果完場大插逾12巴仙。

*麗新炒重組港所上新高,車仔踩行油今天好風騷*

  一班車神今日都開車,好似比亞迪(01211)畀野村唱好,咁就開出咗5巴仙,做咗最
威手國貨佬,長汽(02333)都瘋狂飆前5巴仙,事關今日傳出大眾同公司傾緊合作整經濟
型汽車,大眾又有意入股公司,結果股價就開大Turbo。咁啱上海國際車展噚日開幕,一班
同行好似錦恆(00872)同浙江展望(08273),今日都飛起一成至近三成。
  星美文化(02366)過去幾日已經累積踢高咗66巴仙,今日再衝上36巴仙,原來公
司同北京百度訂立一份戰略合作協議,雙方一齊起影視同互聯網金融聯合運作嘅商業模式,大家
仲計劃喺今年籌集5億人仔。而另一邊廂,同業寰亞傳媒(08075)就宣布,同業務夥伴商
討授出音樂唱片及影片獨家授權,不過現階段仲未有明確協議。但股價已經拋高咗1巴仙,報
0﹒66銀。
  
*股仔禾雀飛你炒我又炒,升幅成成聲齊來鬥鑊氣*

  雖然魚缸尾市碌番落去,不過有個別股份繼續大成交飛上太空,好似熔盛(01101)之
前公布過有意賣走祖國境內造船同海洋工程業務,噚日政府機構支持重組方案,仲順手改埋名做
華榮能源。公司重組業務,重新出發,缸友又憧憬有豬肉分,股價都生猛番晒,10﹒5億銀成
交炒高近25巴仙,報1﹒21銀。
  早前炒過一排嘅漢能(00566)靜咗一輪,4月以來大市升升跌跌都好似唔多關佢事咁
,今日終於有動靜,早兩日同博華太平洋(01076)合作喺塞班島起發電站。結果漢能今日
抽升14巴仙;博華太平洋亦都唔弱,都有近12巴仙進帳。
  金蝶(00268)同亞馬遜AWS合作,亞馬遜AWS會分享雲計算技術,刺激金蝶股價
今日踢高近一成。請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式之
       申述或訂立任何建議及推薦,讀者務請運用個人獨立思考能力自行作出投資決定
       ,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力